ന്യൂഡൽഹി: ഡൽഹി മുഖ്യമന്ത്രി അരവിന്ദ് കെജ്രിവാൾ വരുന്ന ലോക്സഭാ തെരഞ്ഞെടുപ്പിൽ വാരാണസിയിൽനിന്നും മത്സരിക്കില്ലെന്ന് ആം ആദ്മി പാർട്ടി. വാരാണസിയിൽ ശക്തനായ മറ്റൊരു സ്ഥാനാർത്ഥിയെ മത്സരിപ്പിക്കാനാണ് പാർട്ടി തീരുമാനം. സംസ്ഥാനത്ത് പ്രത്യേകം ശ്രദ്ധകേന്ദ്രീകരിക്കുന്നതിനാണ് കെജ്രിവാളിനെ തെരഞ്ഞെടുപ്പിൽ മത്സരിപ്പിക്കാത്തതെന്നാണ് പാർട്ടി വ്യക്തമാക്കുന്നത്.
എഎപി വക്താവും രാജ്യസഭാംഗവുമായ സഞ്ജയ് സിംഗ് ആണ് തിരഞ്ഞെടുപ്പിനെക്കുറിച്ചുള്ള വിവരങ്ങൾ വെളിപ്പെടുത്തിയത്. ഡൽഹി, ഹരിയാന, പഞ്ചാബ്, ഗോവ എന്നീ സംസ്ഥാനങ്ങളിലെ എല്ലാ മണ്ഡലങ്ങളിലും എഎപി മത്സരിക്കുമെന്നും സഞ്ജയ് സിംഗ് പറഞ്ഞു. ഉത്തർപ്രദേശിൽ കഴിഞ്ഞ തവണ മത്സരിച്ച സീറ്റുകളിലും മത്സരിക്കുമെന്ന് അദ്ദേഹം കൂട്ടിച്ചേർത്തു.
തിരഞ്ഞെടുപ്പ് സംബന്ധിച്ച് അവസാനവട്ട തീരുമാനം ഫെബ്രുവരിയോടെ എടുക്കുമെന്നും വാരാണസി ഉൾപ്പെടെ യുപിയിൽ പാർട്ടിയുടെ ശക്തികേന്ദ്രങ്ങളിൽ മത്സരിക്കുമെന്നും സഞ്ജയ് സിംഗ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
