റോഡില്‍ വഴിമുടക്കി നിന്ന പശുവിനെ മാറ്റുന്നതിനായി വണ്ടിയുടെ ഹോണ്‍ അടിച്ച യുവാവിന് ക്രൂരമര്‍ദ്ദനം. മര്‍ദ്ദനത്തില്‍ യുവാവിന്റെ ഒരു കണ്ണിന്റെ കാഴ്ച ശക്തി നഷ്ടപ്പെട്ടു.
വ്യാഴാഴ്ച വൈകുന്നേരും, ബിഹാറിലെ സഹര്‍സ ജില്ലയിലായിരുന്നു സംഭവം. ഗനേഷ് മണ്ഡല്‍ എന്ന യുവാവിനാണ് മര്‍ദ്ദനമേറ്റത്. ജോലി കഴിഞ്ഞ് വീട്ടിലേക്ക് മടങ്ങുകയായിരുന്നു ഗണേഷ്. ഈ സമയം ദേശീയ പാത 107ല്‍ റോഡിന് കുറുകെ നിന്ന പശുവിനെ മാറ്റുന്നതിനായി ഗണേഷ് തന്റെ പിക്കപ്പ് വാനിന്റെ ഹോണടിച്ചു. ശബ്ദം കേട്ട് പശു വിരണ്ടോടിയത് പശുവിന്റെ ഉടമസ്ഥനെ പ്രകോപിതനാക്കിയതായി പൊലീസ് പറയുന്നു.
പശു പേടിച്ചോടിയത് കണ്ട് പ്രകോപിതനായ ഉടമസ്ഥന്‍ ഗണേഷിനെ മര്‍ദ്ദിക്കുകയായിരുന്നു. രാം ദുലര്‍ യാദവ് എന്നയാളാണ് യുവാവിനെ മര്‍ദ്ദിച്ചതെന്ന് പൊലീസ് കണ്ടെത്തിയിട്ടുണ്ട്. എന്നാല്‍ പശു ദേശീയ പാതയില്‍ അഴിഞ്ഞ് നടക്കുകയായിരുന്നെന്ന് രാം ദുലാര്‍ സമ്മതിച്ചിട്ടില്ല. താന്‍ പശുവിന്റെ പാല്‍ കറക്കുകയായിരുന്നെന്നും ഈ സമയം വണ്ടിയുടെ ഹോണ്‍ ശബ്ദം കേട്ട് പശു പേടിക്കുകയായിരുന്നെന്നാണ് ഇയാളുടെ വാദം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
