വഴിയില്‍ മൂത്രമൊഴിച്ചതിനെ ചൊല്ലി തര്‍ക്കം: ഒന്നര വയസ്സുകാരനെ അടിച്ചുകൊന്നു

ഭോപ്പാല്‍: വഴിയില്‍ മൂത്രമൊഴിച്ചതിനെ ചൊല്ലിയുളള തര്‍ക്കത്തെ തുടര്‍ന്ന് ഒന്നരവയസ്സുകാരനെ അയല്‍വാസി അടിച്ചുകൊന്നു. മധ്യപ്രദേശിലെ സാഗറിലാണ് സംഭവം. സംഭവത്തില്‍ സാഗര്‍ സ്വദേശികളായ റാം സിങ്ങ്, ഉമേഷ് സിങ്ങ് എന്നിവരെ ഭാന്‍ഗര്‍ പോലീസ് അറസ്റ്റ് ചെയ്തു.

രണ്ടു കുടുംബങ്ങള്‍ തമ്മിലുളള തര്‍ക്കമാണ് ആക്രമണത്തില്‍ കലാശിച്ചത്. അടുത്തവീട്ടിലെ ഏഴുവയസ്സുകാരന്‍ വഴിയരികില്‍ മൂത്രമൊഴിച്ചത് ഒന്നരവയസ്സുകാരന്റെ പിതാവ് ചോദ്യം ചെയ്തു. ഇതില്‍ പ്രകോപിതരായ ഏഴുവയസ്സുകാരന്റെ അച്ഛനും മുത്തച്ഛനും ഒന്നരവയസ്സുകാരന്റെ പിതാവിനെ ആക്രമിച്ചു. ലാത്തി ഉപയോഗിച്ചായിരുന്നു ആക്രമണം. കയ്യാങ്കളിക്കിടെ അടിയേറ്റാണ് ഒന്നരവയസ്സുകാരന്‍ മരിച്ചതെന്ന് പൊലീസ് പറയുന്നു.ഏഴു വയസ്സുകാരന്റെ അച്ഛനും മുത്തച്ഛനുമെതിരെ പൊലീസ് കൊലപാതക കുറ്റം ചുമത്തി.