ചെന്നൈ: ലോക്ക്ഡൗണിനിടെ തുറന്ന ബാര്‍ബര്‍ ഷോപ്പ് പൂട്ടി സീല്‍വെച്ചു. ചെന്നൈയ്ക്കടുത്ത് മധുരാന്തകത്ത് കഴിഞ്ഞ ദിവസമായിരുന്നു സംഭവം. ലോക്ക്ഡൗണ്‍ ആണെങ്കിലും ബാര്‍ബര്‍ ഷോപ്പുകള്‍ക്ക് മാത്രം ഒരുദിവസത്തേക്ക് പ്രവര്‍ത്തനാനുമതി നല്‍കിയെന്ന വാട്‌സാപ്പിലെ വ്യാജസന്ദേശം വിശ്വസിച്ചാണ് കടയുടമ ബാര്‍ബര്‍ ഷോപ്പ് തുറന്നത്.
വൈകാതെ തന്നെ അവിടെ മുടിവെട്ടിക്കാനായി വന്‍ ആള്‍ക്കൂട്ടമെത്തുകയും ചെയ്തു. സാമൂഹിക അകലം പാലിക്കാതെയുള്ള കൂട്ടം കണ്ട് മധുരാന്തകം ആര്‍ ഡി ഒ സ്ഥലത്തെത്തി അന്വേഷിച്ചപ്പോഴാണ് വാട്‌സ് ആപ്പ് സന്ദേശം വിശ്വസിച്ചാണ് കട തുറന്നതെന്നത് ഉടമ അറിയിച്ചത്.
എന്നാല്‍ ഉടമയുടെ വാദം മുഖവിലയ്‌ക്കെടുക്കാതെ കടയ്ക്ക് സീല്‍ വെയ്ക്കാന്‍ ആര്‍ ഡി ഒ നിര്‍ദേശിച്ചു. ലോക്ക്ഡൗണ്‍ ചട്ടങ്ങള്‍ ലംഘിച്ചതിന് ഉടമയ്‌ക്കെതിരേ പൊലീസ് കേസെടുക്കുകയും ചെയ്തു. വ്യാജസന്ദേശങ്ങള്‍ വിശ്വസിക്കരുതെന്ന് പൊതുജനങ്ങളോട് അധികൃതര്‍ അഭ്യര്‍ഥിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
