ബംഗലൂരു : ചന്ദ്രയാന്‍ 2 വിന്റെ ഭാഗമായ വിക്രം ലാന്‍ഡര്‍ കണ്ടെത്തി. ചന്ദ്രോപരിതലത്തിലുള്ള ലാന്‍ഡറിന്റെ സ്ഥാനം കണ്ടെത്തി. ലാന്‍ഡറിന്റെ തെര്‍മല്‍ ചിത്രങ്ങള്‍ ഓര്‍ബിറ്റര്‍ പകര്‍ത്തി. എന്നാല്‍ ലാന്‍ഡറുമായി ആശയവിനിമയബന്ധം സ്ഥാപിക്കാനായിട്ടില്ലെന്ന് ഐഎസ്ആര്‍ഒ ചെയര്‍മാന്‍ കെ ശിവന്‍ അറിയിച്ചു.
ആശയവിനിമയത്തിനുള്ള ശ്രമം നടത്തിക്കൊണ്ടിരിക്കുകയാണെന്നും അദ്ദേഹം വാര്‍ത്താ ഏജസിയായ എഎന്‍ഐയോട് പറഞ്ഞു. ചന്ദ്രോപരിതലത്തില്‍ ഇറങ്ങുന്നതിന് തൊട്ടുമുമ്പ് ലാന്‍ഡറിന്റെ ആശയവിനിമയ ബന്ധം നഷ്ടമാകുകയായിരുന്നു.
വിക്രം ലാന്‍ഡറിന് എന്തുകൊണ്ട് സോഫ്റ്റ് ലാന്‍ഡിങിന് സാധ്യമായില്ല എന്നതടക്കമുള്ള കാര്യങ്ങള്‍ ലാന്‍ഡറുമായുള്ള ആശയവിനിമയം സാധ്യമായാല്‍ വ്യക്തമാകുമെന്ന പ്രതീക്ഷയിലാണ് ശാസ്ത്രജ്ഞര്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
