വിഡിയോയില്‍ പകര്‍ത്തണം, പൊതുമുതല്‍ നശിപ്പിക്കരുത്;  മഹാറാലിക്ക് നിബന്ധനകളോടെ അനുമതി 

ചെന്നൈ: പൗരത്വ നിയമ ഭേദ​ഗതിക്കെതിരെ ഡിഎംകെയുടെ നേതൃത്വത്തിൽ നാളെ നടത്താനൊരുങ്ങുന്ന മഹാറാലിക്ക് മദ്രാസ് ഹൈക്കോടതിയുടെ അനുമതി. നിബന്ധനകളോടെയാണ് റാലി നടത്താൻ അനുമതി നൽകിയിരിക്കുന്നത്. റാലി മുഴുവന്‍ വിഡിയോയില്‍ പകര്‍ത്തണമെന്നും പൊതുമുതല്‍ നശിപ്പിക്കരുതെന്നും നിബന്ധനയിലുണ്ട്. 

റാലിക്കിടയിൽ ആക്രമ സംഭവങ്ങൾ ഉണ്ടാകരുതെന്നും കോടതി നിർദേശിച്ചു. ജനാധിപത്യ സമൂഹത്തിൽ സമരങ്ങൾ നിഷേധിക്കാനാകില്ലെന്ന് പറഞ്ഞാണ് റാലിക്ക് അനുമതി നൽകിയത്. 

റാലി തടയണമെന്ന് ആവശ്യപ്പെട്ട് ഇന്ത്യൻ മക്കൾ കക്ഷിയാണ്  മദ്രാസ് ഹൈക്കോടതിയിൽ ഹർജി നൽകിയത്‌. ഹർജി കോടതി അടിയന്തരമായി പരി​ഗണിക്കുകയായിരുന്നു.