ഇന്‍ഡോര്‍: പതിനൊന്നു വയസ്സുകാരന്‍ ഒന്‍പത് വയസ്സുകാരിയെ തലയ്ക്കടിച്ചു കൊന്നു. മധ്യപ്രദേശിലെ ഇന്‍ഡോറിലാണ് ഞെട്ടിക്കുന്ന സംഭവം നടന്നത്. വീഡിയോ ഗെയിമില്‍ സ്ഥിരമായി തോല്‍പ്പിച്ചതിന്റെ ദേഷ്യത്തിലാണ് പതിനൊന്നുകാരന്‍ പെണ്‍കുട്ടിയെ കല്ലു കൊണ്ട് തലയ്ക്കടിച്ചു കൊന്നത്.
കുട്ടി കുറ്റം സമ്മതിച്ചുവെന്ന് ഇന്‍ഡോര്‍ ഡിഐജി വ്യക്തമാക്കി. തിങ്കളാഴ്ച ഉച്ചയോടെയാണ് സംഭവം നടന്നത്. പൂ പറിക്കാനായി ഫ്‌ലാറ്റിന് പുറത്തിറങ്ങിയപ്പോഴാണ് അയല്‍വാസിയായ പതിനൊന്നുകാരന്‍ കൊലപാതകം നടത്തിയത്.
കുട്ടി വീട്ടില്‍ തിരിച്ചെത്താത്തതിനെ തുടര്‍ന്ന് മാതാപിതാക്കള്‍ പൊലീസില്‍ പരാതി നല്‍കുകയായിരുന്നു. ഇതേത്തുടര്‍ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.
അഞ്ച് മാസം മുന്‍പ് താന്‍ വളര്‍ത്തിയ എലിയ പെണ്‍കുട്ടി കൊന്നുകളഞ്ഞു എന്നും ഇതിന്റെ പ്രതികാരവുംകൂടിയാണ് തീര്‍ത്തത് എന്നും അഞ്ചാംക്ലാസുകാരന്‍ പൊലീസിനോട് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
