വീരമൃത്യു വരിച്ചത് 12 സംസ്ഥാനങ്ങളിൽ നിന്നുള്ള ജവാൻമാർ; ഏറ്റവും കൂടുതൽ പേർ യുപിയിൽ നിന്ന്

ന്യൂഡൽഹി: പുൽവാമയിലെ ഭീകരാക്രമണത്തിൽ വീരമൃത്യു വരിച്ച സിആർപിഎഫ് ജവാൻമാർ കേരളമടക്കം 12 സംസ്ഥാനങ്ങളിൽ നിന്നുള്ളവർ. വയനാട്ടിലെ ലക്കിടി സ്വദേശി വിവി വസന്തകുമാറാണ് വീരമൃത്യു വരിച്ച മലയാളി. ഏറ്റവുമധികം പേർ യുപി സ്വദേശികളാണ്. ഇതുവരെ തിരിച്ചറിഞ്ഞ 32 പേരുടെ സംസ്ഥാനങ്ങൾ രേഖപ്പെടുത്തിയ പട്ടിക സിആർപിഎഫ് പുറത്തുവിട്ടു. 

രാജസ്ഥാനിൽ നിന്ന് അഞ്ച്, പഞ്ചാബിൽ നിന്ന് നാല്, ഒഡിഷ, മഹാരാഷ്ട്ര സംസ്ഥാനങ്ങളിൽ നിന്ന് രണ്ട് ജവാൻമാർ വീതമാണുള്ളത്. ജമ്മു കശ്മീർ, ഹിമാചൽപ്രദേശ്, ജാർഖണ്ഡ്, തമിഴ്നാട്, കർണാടക, ബംഗാൾ എന്നിവിടങ്ങളിൽ നിന്നുള്ള ഓരോ ജവാൻമാരുമാണ് വീരമ‌ൃത്യു വരിച്ചത്.