വെള്ളച്ചാട്ടത്തില്‍ കുളിക്കാനിറങ്ങിയ മൂന്ന് വിദ്യാര്‍ത്ഥികള്‍ മുങ്ങിമരിച്ചു 

റാഞ്ചി: ജാര്‍ഖണ്ഡിലെ റാഞ്ചിയിലുള്ള ജ്യോനാ വെള്ളച്ചാട്ടത്തില്‍ കുളിക്കാനിറങ്ങിയ മൂന്ന് വിദ്യാര്‍ത്ഥികള്‍ മുങ്ങിമരിച്ചു. വിനോദയാത്രയുടെ ഭാഗമായി വെളളച്ചാട്ടം ആസ്വദിക്കാന്‍ എത്തിയതായിരുന്നു ഇവര്‍. 

ഇവര്‍ക്കൊപ്പം മറ്റൊരു വിദ്യാര്‍ത്ഥിയും ഒഴുക്കില്‍പെട്ടെങ്കിലും നാട്ടുകാര്‍ കുട്ടിയെ രക്ഷപെടുത്തുകയായിരുന്നു. മൂവരുടെയും മൃതദേഹങ്ങള്‍ കണ്ടെത്താന്‍ സാധിച്ചെന്ന് അനഗാരാ പൊലീസ് സ്റ്റേഷന്‍ എസ്പി അജിത് പീറ്റര്‍ പറഞ്ഞു. ഇവരെക്കുറിച്ചുള്ള പേര് വിവരങ്ങള്‍ കണ്ടെത്താനുള്ള ശ്രമങ്ങളിലാണ് പൊലീസ്.