ന്യൂഡല്‍ഹി : ലോക്‌സഭ തെരഞ്ഞെടുപ്പില്‍ ഇനിയുള്ള ഘട്ടങ്ങളിലെ വോട്ടെടുപ്പ് ആരംഭിക്കുന്നത് പുലര്‍ച്ചെ അഞ്ചു മണിയ്ക്ക് ആക്കണമെന്ന് ആവശ്യപ്പെട്ട് സുപ്രിംകോടതിയില്‍ ഹര്‍ജി. രണ്ട് അഭിഭാഷകരാണ് ഇക്കാര്യം ആവശ്യപ്പെട്ട് സുപ്രിംകോടതിയില്‍ പൊതുതാല്‍പ്പര്യ ഹര്‍ജി നല്‍കിയത്. ഇക്കാര്യത്തില്‍ ഉചിതമായ തീരുമാനം സ്വീകരിക്കാന്‍ കോടതി തെരഞ്ഞെടുപ്പ് കമ്മീഷന് നിര്‍ദേശം നല്‍കി.
റമദാന്‍ മാസം ആയതിനാല്‍ വോട്ടെടുപ്പ് ആരംഭിക്കുന്നത് നിലവിലെ സമയമായ രാവിലെ ഏഴു മണിക്ക് പകരം പുലര്‍ച്ചെ നാലരയ്‌ക്കോ അഞ്ചു മണിക്കോ ആരംഭിക്കണമെന്നാണ് ഹര്‍ജിക്കാരുടെ ആവശ്യം. റമദാന്‍ നോമ്പായതിനാല്‍ രാവിലെ മുതല്‍ വൈകീട്ട് വരെ ഭക്ഷണമോ ജലപാനമോ ഇല്ലാതെ വ്രതാനുഷ്ഠാനത്തിലായിരുക്കും ബഹുഭൂരിപക്ഷം മുസ്ലിങ്ങളും.
നിലവില്‍ കടുത്ത ചൂട് അനുഭവപ്പെടുന്ന കാലാവസ്ഥയില്‍ പകല്‍ സമയം പോളിംഗ് ബൂത്തിലെത്തി ക്യൂ നിന്ന് വോട്ടു രേഖപ്പെടുത്തുക മുസ്ലിങ്ങള്‍ക്ക് അസൗകര്യമാണ്. മാത്രമല്ല, വ്രതത്തിലായതിനാല്‍ ദീര്‍ഘനേരം വെയിലത്ത് നില്‍ക്കുമ്പോള്‍ നിര്‍ജലീകരണം അടക്കമുള്ള പ്രശ്‌നങ്ങളും ശാരീരിക അസ്വാസ്ഥ്യങ്ങളും ഉണ്ടാകാന്‍ സാധ്യതയുണ്ടെന്നും ഹര്‍ജിക്കാര്‍ ചൂണ്ടിക്കാട്ടുന്നു.
ലോക്‌സഭ തെരഞ്ഞെടുപ്പിന്റെ അടുത്ത ഘട്ട വോട്ടെടുപ്പ് മെയ് ആറ്, 12, 19 തീയതികളിലാണ് നടക്കുന്നത്. വോട്ടെണ്ണല്‍ മെയ് 23 നും നടക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
