മുംബൈ: ശവങ്ങളുടെ കണക്കെടുക്കുന്നത് കഴുകന്‍മാരാണെന്ന് കേന്ദ്ര ആഭ്യന്തര മന്ത്രി രാജ്‌നാഥ് സിങ്. ധീരന്‍മാര്‍ ഒരിക്കലും അത്തരം കാര്യങ്ങള്‍ക്ക് സമയം കളയാറില്ലെന്നും അദ്ദേഹം പറഞ്ഞു. ബലാക്കോട്ടില്‍ ഭീകര കേന്ദ്രങ്ങള്‍ തകര്‍ത്തതിനും 300 ഭീകരര്‍ കൊല്ലപ്പെട്ടതിനും കോണ്‍ഗ്രസ് നേരത്തേ തെളിവ് ചോദിച്ചിരുന്നു. കേന്ദ്രസര്‍ക്കാര്‍ സൈനിക നടപടിയെ രാഷ്ട്രീയ നേട്ടങ്ങള്‍ക്ക് ഉപയോഗിക്കുകയാണെന്നും കോണ്‍ഗ്രസ് വിമര്‍ശിച്ചിരുന്നു.
പാകിസ്ഥാനെ വിഭജിച്ച് ഇന്ദിരാ ഗാന്ധി ബംഗ്ലാദേശ് ഉണ്ടാക്കിയപ്പോള്‍ അടല്‍ ബിഹാരി വാജ്‌പേയിയുടെ നേതൃത്വത്തില്‍ ബിജെപി വലിയ പിന്തുണയാണ് പാര്‍ലമെന്റില്‍ നല്‍കിയത്. എന്തുകൊണ്ട് കോണ്‍ഗ്രസ് മോദിയെ ബലാക്കോട്ട് വിഷയത്തില്‍ പിന്തുണയ്ക്കുന്നില്ലെന്നും രാജ്‌നാഥ് സിങ് ചോദിച്ചു. ബലാക്കോട്ട് ആക്രമണത്തോടെ ഇന്ത്യയെ ആരും 'ദുര്‍ബല രാജ്യ'മെന്ന് മുദ്രകുത്തുന്നില്ലെന്നും അദ്ദേഹം അവകാശപ്പെട്ടു.
നിരപരാധികളായ മനുഷ്യരെ സൈന്യം കൊല്ലുന്നില്ല ഭീകരവാദികളെ ഇല്ലായ്മ ചെയ്യുമ്പോള്‍ പ്രതിപക്ഷത്തിന് വേദനിക്കേണ്ട ആവശ്യം ഇല്ലെന്നും അദ്ദേഹം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
