ശാരീരിക അസ്വാസ്ഥ്യം : ദേശീയ ഗാനം ആലപിക്കുന്നതിനിടെ ഗഡ്കരി സീറ്റിലിരുന്നു

മുംബൈ : ശാരീരിക അസ്വസ്ഥത നേരിട്ടതിനെ തുടര്‍ന്ന് പൊതുചടങ്ങില്‍ ദേശീയഗാനം ആലപിക്കുന്നതിനിടെ കേന്ദ്രമന്ത്രി നിതിന്‍ ഗഡ്കരി സീറ്റില്‍ ഇരുന്നു. മഹാരാഷ്ട്രയില്‍ ഒരു പൊതുപരിപാടിയില്‍ പങ്കെടുക്കവെയായിരുന്നു സംഭവം. 

ഇത് മൂന്നാംതവണയാണ് ഗഡ്കരിക്ക് പൊതു പരിപാടിക്കിടെ ശാരീരിക അസ്വസ്ഥത അനുഭവപ്പെടുന്നത്. ഏപ്രിലില്‍ ഷിര്‍ദിയില്‍ നടന്ന പ്രചാരണ റാലിക്കിടെ അസ്വസ്ഥത അനുഭവപ്പെട്ട ഗഡ്കരി പ്രസംഗം ഇടയ്ക്ക് വെച്ച് അവസാനിപ്പിച്ചിരുന്നു. 

2018 ഡിസംബര്‍ ഏഴിന് അഹമ്മദ് നഗര്‍ കാര്‍ഷിക സര്‍വകലാശാലയുടെ പരിപാടിക്കിടെ നിതിന്‍ ഗഡ്കരി ദേശീയഗാനം അലപിക്കുന്നതിനിടെ വേദിയില്‍ തളര്‍ന്നു വീണിരുന്നു.