കൊളംബോ: ശ്രീലങ്കയെ നടുക്കിയ സ്‌ഫോടനപരമ്പരയില്‍ നിന്ന് തലനാരിഴയ്ക്ക് രക്ഷപ്പെട്ട് നടി രാധിക ശരത്കുമാര്‍. ട്വിറ്ററിലുടെ രാധിക തന്നെയാണ് ഇക്കാര്യം പുറംലോകത്തെ അറിയിച്ചത്.
ഈസ്റ്റര്‍ ദിനത്തില്‍ ശ്രീലങ്കയില്‍ എട്ടിടത്താണ് സ്ഫോടനം നടന്നത്. ആറുമണിക്കൂറിനുളളില്‍ എട്ടിടത്തായി നടന്ന സ്‌ഫോടനപരമ്പരയില്‍ നൂറിലധികം പേരാണ് ഇതുവരെ കൊല്ലപ്പെട്ടത്. സ്‌ഫോടനത്തെ ഇന്ത്യ അടക്കം ലോകരാജ്യങ്ങള്‍ ഒന്നടങ്കം അപലപിച്ചു.വിവിധ പളളികളിലും ഹോട്ടലുകളിലുമായാണ് സ്ഫോടനം നടന്നത്.
ശ്രീലങ്ക സന്ദര്‍ശിക്കാന്‍ പോയ രാധിക താമസിച്ചിരുന്നത് സിന്നമണ്‍ ഗ്രാന്‍ഡ് ഹോട്ടലിലായിരുന്നു. താന്‍ ഹോട്ടലില്‍ നിന്നിറങ്ങി കുറച്ച് സമയത്തിനുള്ളിലാണ് ബോംബാക്രമണം നടന്നതെന്ന് രാധിക ട്വീറ്റ് ചെയ്തു.പ്രധാനമന്ത്രിയുടെ ഔദ്യോഗിക വസതിക്ക് അടുത്താണ് ആക്രമണം നടന്ന ഹോട്ടല്‍ സിന്നമണ്‍ ഗ്രാന്‍ഡ് സ്ഥിതി ചെയ്യുന്നത്. ആക്രമണത്തെ അപലപിക്കുന്നുവെന്നും രാധിക കൂട്ടിച്ചേര്‍ത്തു.
35 വിദേശികളടക്കം നൂറ്റിയന്‍പതോളം പേര്‍ മരിച്ചതായും അഞ്ഞൂറോളം പേര്‍ക്ക് പരിക്കേറ്റതായും റിപ്പോര്‍ട്ടുകളുണ്ട്. പ്രദേശിക സമയം 8.45 ഓടെയാണ് സ്ഫോടനം നടന്നത്. മരണ സംഖ്യയെക്കുറിച്ച് കൃത്യമായ വിവരങ്ങളൊന്നും പുറത്ത് വന്നിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
