ന്യുഡല്‍ഹി: ശ്രീശ്രീ രവിശങ്കിറിനെതിരെ ഹരിത ട്രൈബ്യൂണലിന്റെ കോടതിയലക്ഷ്യ നോട്ടീസ്.മെയ് 9ന് മുമ്പ് മറുപടി നല്‍കാനാണ് ജസ്റ്റീസ് സ്വതന്തര്‍ കുമാര്‍ അധ്യതക്ഷനായ ബഞ്ച് നോട്ടീസ് അയച്ചിരിക്കുന്നത്. ഹരിത ട്രൈബ്യൂണലിന്റെ വിധിയെ അംഗീകരിക്കാതിരുന്നതിന് എതിരെയുള്ള ഹര്‍ജിയിലാണ് ട്രൈബ്യൂണല്‍ നോട്ടീസ് അയച്ചിരിക്കുന്നത്.
രവിശങ്കറിന്റെ നേതൃത്വത്തിലുള്ള ആര്‍ട്ട് ഓഫ് ലിവിംഗ് യമുനാതടത്തില്‍ നടത്തിയ സാംസ്‌കാരികോത്സവം യമുനാതീരത്തെ ജൈവഘടനെ താറുമാറാക്കിയെന്നും പിഴയടക്കണമെന്നും ഹരിത ട്രൈബ്യൂണല്‍ നിയമിച്ച സമിതി റിപ്പോര്‍ട്ട് നല്‍കിയിരുന്നു. പിഴയടക്കാന്‍ ആവശ്യപ്പെട്ട ട്രൈബ്യൂണലിനോട് അതിന്റെ ഉത്തരവാദിത്വം പരിപാടി നടത്താന്‍ അനുവാദം നല്‍കിയ സര്‍ക്കാരിനും കോടതിക്കുമാണെന്നായിരുന്നു രവിശങ്കറിന്റെ മറുപടി.
ഇത് കോടതിയെ ധിക്കരിക്കലാണെന്ന് ചൂണ്ടിക്കാട്ടി പൊതു പ്രവര്‍ത്തകന്‍ മനോജ് മിശ്ര നല്‍കിയ ഹര്‍ജിയിലാണ് ഹരിത ട്രൈബ്യൂണല്‍ കോടതിയലക്ഷ്യ നോട്ടീസ് അയച്ചിരിക്കുന്നത്.
തോന്നുന്നതെല്ലാം പറയാനുള്ള സ്വതന്ത്ര്യമുണ്ടെന്നാണോ നിങ്ങള്‍ കരുതുന്നതെന്ന് രവിശങ്കറിനോട് കോടതി ചോദിച്ചിരുന്നു.നിങ്ങള്‍ക്ക് യാതൊരു ഉത്തരവാദിത്വ ബോധവും ഇല്ലെന്ന് കോടതി കുറ്റപ്പെടുത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
