ബോയ്‌സര്‍ : അധ്യാപകനെ തോക്കുചൂണ്ടി ഭീഷണിപ്പെടുത്തിയ സംഭവത്തില്‍ മൂന്ന് സ്‌കൂള്‍ വിദ്യാര്‍ത്ഥികള്‍ അറസ്റ്റില്‍. ഇവരില്‍ നിന്നും മൂന്നു തോക്കുകളും പത്ത് വെടിയുണ്ടകളും പൊലീസ് കണ്ടെടുത്തു.
വിദ്യാര്‍ത്ഥികള്‍ ഇവരുടെ സ്‌കൂളില്‍ തന്നെ പഠിക്കുന്ന ഒരു പെണ്‍കുട്ടിയെ സമീപിച്ച് തങ്ങളോടൊപ്പം വരണമെന്ന് ആവശ്യപ്പെട്ടു. എന്നാല്‍ പെണ്‍കുട്ടി ഇക്കാര്യം അധ്യാപകനെ അറിയിച്ചു. എന്നാല്‍ ഒറ്റയ്ക്ക് ഇവര്‍ക്കൊപ്പം പോകരുതെന്ന് പറഞ്ഞ് അധ്യാപകന്‍ രണ്‍ബീര്‍ പാസ്വാന്‍ പെണ്‍കുട്ടിയെ വിലക്കി.
ഇതറിഞ്ഞ കുട്ടികള്‍ അധ്യാപകന്റെ അപ്പാര്‍ട്ട്‌മെന്റിലെത്തി തോക്കുചൂണ്ടി ഭീഷണിപ്പെടുത്തുകയായിരുന്നു. പെണ്‍കുട്ടി തങ്ങളുടെ അടുത്ത് വന്നില്ലെങ്കില്‍, അധ്യാപകനെ കൊല്ലുമെന്നും കുട്ടികള്‍ ഭീഷണി മുഴക്കി. സംഭവം ഉടന്‍ തന്നെ അധ്യാപകന്‍ പൊലീസിനെ അറിയിച്ചു. തുടര്‍ന്ന് പൊലീസ് നടത്തിയ പരിശോധനയില്‍ തോക്കുകള്‍ സഹിതം കുട്ടികള്‍ പിടിയിലാകുകയും ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
