മുംബൈ: കള്ളപ്പണ ഇടപാടുമായി ബന്ധപ്പെട്ട് ഇസ്ലാമിക പ്രഭാഷകന്‍ സാക്കിര്‍ നായികിനെതിരെ പ്രത്യേക കോടതി ജാമ്യമില്ലാ അറസ്റ്റ് വാറന്റ് പുറപ്പെടുവിച്ചു. അന്വേഷണത്തോട് സാക്കിര്‍ നായിക്ക് സഹകരിക്കുന്നില്ലെന്ന എന്‍ഫോഴ്‌സ്‌മെന്റ് ഡയറക്ടറേറ്റിന്റെ വാദത്തെ തുടര്‍ന്നാണ് മുംബൈയിലെ പ്രത്യേക കോടതി ജാമ്യമില്ലാ അറസ്റ്റ് വാറന്റ് പുറപ്പെടുവിച്ചത്.
സമന്‍സുകള്‍ നായിക് കൈപറ്റാത്ത സാഹചര്യത്തില്‍ വാറന്റ് പുറപ്പെടുവിക്കണമെന്ന് ആവശ്യപ്പെട്ട് ഈ ആഴ്ചയാണ് ഇ.ഡി കോടതിയെ സമീപിച്ചത്. കേസില്‍ നിരവധി തവണ ഹാജരാകാന്‍ നിര്‍ദേശിച്ചിട്ടും ഹാജരാകാന്‍ വിസമ്മതിക്കുയായിരുന്നെന്ന് എന്‍ഐഎ വ്യക്തമാക്കി.
സാക്കിര്‍ നായിക്കിനെ ഇന്ത്യയിലെത്തിക്കാനുള്ള ശ്രമം തുടരുകയാണെന്നും ഇഡി കോടതിയില്‍ വ്യക്തമാക്കി. സാകിര്‍ നായികിന്റെ വിദ്യാഭ്യാസ, മാധ്യമ സ്ഥാപനങ്ങളിലും ഇസ്ലാമിക് റിസര്‍ച് ഫൗണ്ടേഷനിലും നടന്ന പണമിടപാടുമായി ബന്ധപ്പെട്ട് കള്ളപ്പണം വെളുപ്പിക്കുന്നുണ്ടെന്നായിരുന്നു കേസ്.
മതസ്പര്‍ധ, യുവാക്കളെ തീവ്രവാദത്തിന് പ്രേരിപ്പിച്ചു തുടങ്ങിയ കുറ്റങ്ങള്‍ എന്‍ഐഎ നേരത്തെ സാകിര്‍ നായികിനെതിരെ യുഎപിഎ നിയമപ്രകാരം കേസെടുത്തിരുന്നു. ഇസ്ലാമിക് റിസര്‍ച്ച് ഫൗണ്ടേഷന്‍ കേന്ദ്ര സര്‍ക്കാര്‍ നിരോധിക്കുകയും ചെയ്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
