ബംഗലൂരു: ലിംഗായത്ത് വിഭാഗത്തിനെ പ്രത്യേക മതമായി അംഗീകരിക്കുന്ന കര്‍ണാടക സര്‍ക്കാര്‍ തീരുമാനത്തെ പിന്തുണയ്ക്കാന്‍ ബിജെപിയോട് ആവശ്യപ്പെട്ട് ലിംഗായത്ത് സന്യാസി. ലിംഗായത്തുകള്‍ക്ക് ന്യൂനപക്ഷ പദവി ലഭിക്കുന്നത് സമുദായത്തിന് ഗുണം ചെയ്യുമെന്ന് ചിത്രദുര്‍ഗയിലെ മുരുകരാജേന്ദ്രമഠം സന്യാസി ശിവമൂര്‍ത്തി മുരുക ശരനാരൂ വ്യക്തമാക്കി. ഇതോടെ കോണ്‍ഗ്രസിന്റെ നടപടി രാഷ്ട്രീയ ലക്ഷ്യം വച്ചുളളതാണെന്ന വാദം ഉയര്‍ത്തി സിദ്ധരാമയ്യക്ക് അനുകൂലമായ സാഹചര്യത്തെ മറികടക്കാന്‍ നീക്കം ആരംഭിച്ച ബിജെപി വെട്ടിലായി.
ബിജെപി ദേശീയ പ്രസിഡന്റ് അമിത് ഷായ്ക്ക് നല്‍കിയ നിവേദനത്തിലാണ് ശിവമൂര്‍ത്തി ഇക്കാര്യം ഉന്നയിച്ചത്. ലിംഗായത്തുകള്‍ക്ക് ന്യൂനപക്ഷ പദവി നല്‍കുന്നത് സമുദായം പിളരാന്‍ ഇടയാക്കുമെന്നാണ് ആരോപണം. യഥാര്‍ത്ഥത്തില്‍ ഉപജാതികളായി വിഭജിച്ച് കിടക്കുന്ന വിഭാഗങ്ങളുടെയും ലിംഗായത്ത് ജീവിതരീതി പിന്തുടരുന്നവരുടെയും ഏകീകരണത്തിലേയ്ക്കാണ് ഇത് നയിക്കുകയെന്ന് ശിവമൂര്‍ത്തി ചൂണ്ടികാട്ടി.
ന്യൂനപക്ഷ പദവിയുമായി ബന്ധപ്പെട്ട് ലിംഗായത്ത്-വീരശൈവ വിഭാഗങ്ങള്‍ തമ്മിലുള്ള പോര് താല്ക്കാലികം മാത്രമാണ്. ഒരു ചെറിയ ന്യൂനപക്ഷം ഉയര്‍ത്തുന്ന വൈകാരിക പ്രകടനം ഉടന്‍ കെട്ടടങ്ങുമെന്നും ശിവമൂര്‍ത്തി ചൂണ്ടികാട്ടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
