ബംഗലൂരു : പരിസരം മറന്ന് രണ്ട് അധ്യാപകര്‍ ആലിംഗന ബദ്ധരായി നില്‍ക്കുന്ന വീഡിയോ വൈറലായതോടെ നടപടിയുമായി സ്‌കൂള്‍ അധികൃതര്‍. സംഭവത്തില്‍ ഉള്‍പ്പെട്ട പ്രിന്‍സിപ്പലിനെയും ഫിസിക്കല്‍ എജ്യുക്കേഷന്‍ ടീച്ചറെയും അധികൃതര്‍ സസ്‌പെന്‍ഡ് ചെയ്തു.
കര്‍ണാടക ശിവമോഗയിലെ മാലൂരു ഗ്രാമത്തിലാണ് സംഭവം. മൊറാര്‍ജി ദേശായി റസിഡന്‍ഷ്യല്‍ സ്‌കൂളിലാണ് സംഭവം. സ്‌കൂള്‍ സ്റ്റോര് റൂമില്‍ വെച്ച് പ്രിന്‍സിപ്പലും ടീച്ചറും ആലിംഗനബദ്ധരാകുകയായിരുന്നു.
ഇതിന്റെ വിഡിയോ ആരോ ജനലിലൂടെ പകര്‍ത്തുകയും സോഷ്യല്‍ മീഡിയയിലൂടെ പുറത്തുവിടുകയുമായിരുന്നു. വീഡിയോ സമൂഹ മാധ്യമങ്ങളിലൂടെ വൈറലായതോടെ, ഇരുവരെയും സസ്‌പെന്‍ഡ് ചെയ്യാന്‍ തീരുമാനിച്ചതായി കര്‍ണാടക റസിഡന്‍ഷ്യല്‍ എജ്യുക്കേഷണല്‍ ഇന്‍സ്റ്റിറ്റിയൂഷന്‍ സൊസൈറ്റി ഭാരവാഹി നന്ദന്‍കുമാര്‍ ജെ വി അറിയിച്ചു.
സ്‌കൂളില്‍ 250 വിദ്യാര്‍ത്ഥികളും 20 സ്റ്റാഫുകളുമാണുള്ളത്. പ്രിന്‍സിപ്പലിന്റെയും ടീച്ചറുടെയും നടപടി എന്ത് സന്ദേശമാണ് നല്‍കുന്നത് ?. സദാചാര വിരുദ്ധമായ ഇത്തരം നടപടികള്‍ അംഗീകരിക്കാനാവില്ലെന്നും സസ്‌പെന്‍ഷന്‍ ഉത്തരവില്‍ അധികൃതര്‍ വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
