ഹൈദരാബാദ്: ഒന്നാംഘട്ട വോട്ടെടുപ്പ് പൂര്ത്തിയായതിന് പിന്നാലെ വോട്ടിങ് മെഷീനുകള് സൂക്ഷിച്ചിരുന്ന സ്ട്രോങ് റൂമില് നിന്ന് ഫോട്ടോയെടുത്തതിന് പോളിങ് ഏജന്റ് അറസ്റ്റില്. എന് വെങ്കിടേശനാണ് അറസ്റ്റിലായത്. മല്കാജ്ഗിരി ലോക്സഭാ മണ്ഡലത്തിലെ ടിആര്എസ് സ്ഥാനാര്ത്ഥി മാരി രാജശേഖര് റെഡ്ഡിയുടെ പോളിങ് ഏജന്റായിരുന്നു വെങ്കിടേശന്.
ബോഗാറാമിലെ ഹോളിമേരി കോളെജില് നിന്നുള്ള ചിത്രമാണ് വെങ്കിടേശന് സമൂഹ മാധ്യമത്തില് പോസ്റ്റ് ചെയ്തത്. വോട്ടിങ് മെഷീനുകളും വിവിപാറ്റുകളും റൂമിനുള്ളില് ഇരിക്കുന്നത് ചിത്രത്തില് ദൃശ്യമാണ്.
പോളിങ്ബൂത്തിലും സ്ട്രോങ്റൂമിലും അനുവാദമില്ലാതെ പ്രവേശിക്കുന്നത് ക്രിമിനല് കുറ്റമാണ്. തെരഞ്ഞെടുപ്പ് ഉദ്യോഗസ്ഥര്ക്കും പൊലീസുകാര്ക്കും മാത്രമേ സ്ട്രോങ് റൂമില് പ്രവേശിക്കാനും ചിത്രം പകര്ത്താനുമുള്ള അധികാരമുള്ളൂ. ഇത് ലംഘിച്ചതിനെ തുടര്ന്നാണ് വെങ്കിടേശനെ അറസ്റ്റ് ചെയ്യുന്നതെന്ന് ഉദ്യോഗസ്ഥര് വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
