തിരുവനന്തപുരത്ത് നാളത്തെ അർധവാർഷിക പരീക്ഷകൾ മാറ്റിവെച്ചു

തിരുവനന്തപുരം:ബി.ജെ.പി  ഹർത്താലിന് ആഹ്വാനം ചെയ്തതിനെ തുടർന്ന് തിരുവനന്തപുരം ജില്ലയിലെ സ്കൂളുകളിൽ നാളെ നടക്കാനിരുന്ന ഹൈസ്കൂൾ വിഭാഗം അർധവാർഷിക പരീക്ഷകൾ മാറ്റിവെച്ചു. പുതുക്കിയ തീയതി പിന്നീട് അറിയിക്കും. നാളെ നടത്താനിരുന്ന ഹയർസെക്കൻററി രണ്ടാം പാദ വാർഷിക പരീക്ഷ ഈ മാസം 21ലേക്ക് മാറ്റിവെച്ചിട്ടുണ്ട്.

സാങ്കേതിക സർവകലാശാലയുടെ നാളത്തെ എല്ലാ പരീക്ഷകളും ജനുവരി 18ലേക്ക് മാറ്റിയതായി അക്കാദമിക് ഡീൻ ജെ. ശ്രീകുമാർ അറിയിച്ചു. അതേസമയം കേരള സർവകലാശാല നാളെ നടത്തുന്ന പരീക്ഷകൾക്ക് മാറ്റമില്ലെന്ന് കേരള സർവകലാശാല പി. ആർ. ഒ ഡോ. അജിത. എസ്  അറിയിച്ചു.