

ആലപ്പുഴ : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവതി അടക്കം രണ്ടു പേർ പൊലീസിന്റെ പിടിയിൽ. പത്തനംതിട്ട കൊടുമൺ സതീഷ് ഭവനത്തിൽ ഹരികൃഷ്ണൻ (24), എഴുപുന്ന എരമല്ലൂർ പടിഞ്ഞാറെ കണ്ണുകുളങ്ങരയിൽ ലത (46) എന്നിവരാണ് പിടിയിലായത്.
ചേർത്തല സ്വദേശിയായ പതിനഞ്ചുകാരിയെ പെയിന്റിങ് തൊഴിലാളിയായ ഹരികൃഷ്ണൻ പരിചയപ്പെടുകയും എരമല്ലൂരിൽ ലതയുടെ വീട്ടിൽ കൊണ്ടുവന്ന് പീഡിപ്പിക്കുകയുമായിരുന്നു. ദൃശ്യങ്ങൾ മൊബൈലിൽ പകർത്തി പെൺകുട്ടിയെ ഭീഷണിപ്പെടുത്തി പീഡനം ആവർത്തിക്കുകയായിരുന്നെന്ന് പൊലീസ് പറഞ്ഞു.
പെൺകുട്ടി വിവരം മാതാപിതാക്കളെ അറിയിച്ചതിനെ തുടർന്ന് ചേർത്തല പൊലീസിൽ പരാതി നൽകി. തുടർന്ന് കേസ് അരൂർ പൊലീസിന് കൈമാറി. പോക്സോ നിയമപ്രകാരം ഇരുവർക്കുമെതിരെ കേസ് എടുത്തു. പ്രതികളെ കോടതി റിമാൻഡ് ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates