ഗുരുവായൂരപ്പന് 25 ലക്ഷത്തിന്റെ വിളക്കുകളും സ്വര്ണമാലയും; പ്രവാസി മലയാളിയുടെ വഴിപാട്
തൃശൂര്: ഗുരുവായൂരപ്പന് വഴിപാടായി രണ്ട് ദശാവതാര വിളക്കുകളും ആമ വിളക്കും തൂക്കു വിളക്കുകളും അമ്പലമണിയും വിഗ്രഹത്തില് ചാര്ത്താന് സ്വര്ണ്ണമാലയും സമര്പ്പിച്ചു. ഇന്നലെ വൈകീട്ട് ദീപാരാധന സമയത്ത് പ്രവാസി വ്യവസായി ആലപ്പുഴ കരുവാറ്റ സ്വദേശി സുരേഷ് കുമാര് പാലാഴിയാണ് ഇവ സമര്പ്പിച്ചത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ക്ഷേത്രം തന്ത്രി പി സി ദിനേശന് നമ്പൂതിരിപ്പാട് കൊടിമരത്തിന് സമീപം വാതില്മാടത്തിന് മുന്നില് ദശാവതാര വിളക്കില് ദീപം തെളിയിച്ചു. അഡ്മിനിസ്ട്രേറ്റര് കെ പി വിനയന് സമര്പ്പണം എറ്റുവാങ്ങി. മുന് ഭരണ സമിതി അംഗം മനോജ് ബി നായര്, പ്രമോദ് കളരിക്കല്, ക്ഷേത്രം അസി മാനേജര് കെ രാമകൃഷ്ണന്, വിനു പരപ്പനങ്ങാടി എന്നിവര് ചടങ്ങില് സന്നിഹിതരായി. വഴിപാട് സമര്പ്പണത്തിന് ഏകദേശം 25 ലക്ഷം രൂപ വിലമതിക്കുമെന്ന് ഗുരുവായൂര് ദേവസ്വം അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
