യുഡിഎഫില്‍ ചര്‍ച്ചയില്ല, സതീശനെതിരെ അടൂര്‍ പ്രകാശ്; യൂണിവേഴ്‌സിറ്റി കോളജില്‍ തൂഫാന്‍ റെയ്ഡ് നടത്തണം; ഇന്നത്തെ അഞ്ച് പ്രധാന വാര്‍ത്തകള്‍

യുഡിഎഫിൽ യാതൊരുവിധ കൂടിയാലോചനകളും നടക്കുന്നില്ലെന്നും നിർണ്ണായക തീരുമാനങ്ങൾ പോലും മുന്നണി കൺവീനറായ താൻ അറിയുന്നത് മാധ്യമങ്ങളിലൂടെയാണെന്നും തുറന്നടിച്ച് അടൂർ പ്രകാശ് എംപി. നിലവിലെ സ്ഥിതിഗതികളിൽ കടുത്ത അതൃപ്തി പരസ്യമാക്കിയ അദ്ദേഹം ഇക്കാര്യം എഐസിസി നേതൃത്വത്തെ ധരിപ്പിക്കുമെന്നും വ്യക്തമാക്കി. യുഡിഎഫ് യോഗം വിളിച്ചു ചേർക്കാൻ ചെയർമാനെന്ന നിലയിൽ മുൻകൈയെടുക്കാത്ത മുഖ്യമന്ത്രിയുടെ നിലപാടിനെയും അടൂർ പ്രകാശ് കുറ്റപ്പെടുത്തി.

 തൃക്കരിപ്പൂരില്‍ മന്ത്രി ഒജെ ജനീഷിന്റെ വാഹനം തടഞ്ഞതിന് പിന്നാലെ യുത്ത് കോണ്‍ഗ്രസ് - ഡിവൈഎഫ് പ്രവര്‍ത്തകര്‍ തമ്മില്‍ സംഘര്‍ഷം. പ്രതിഷേധങ്ങള്‍ക്കിടെ വാഹനത്തില്‍ നിന്ന് പുറത്തിറങ്ങിയ മന്ത്രിയെ തോളിലേറ്റിയാണ് കോണ്‍ഗ്രസ് പ്രവര്‍ത്തകര്‍ വരവേറ്റത്.

തിരുവനന്തപുരം യൂണിവേഴ്സിറ്റി കോളജിൽ വേണ്ടത് ലാത്തിചാർജല്ലെന്നും ഓപ്പറേഷൻ തൂഫാൻ മാതൃകയിലുള്ള മിന്നൽ റെയ്‌ഡാണെന്നും മന്ത്രി ഒ.ജെ. ജനീഷ്. യൂണിവേഴ്സിറ്റി കോളജ് എസ്എഫ്ഐയുടെ കോട്ടയായി മാറിയിരിക്കുകയാണെന്നും അവിടെ നടക്കുന്നത് വിദ്യാർത്ഥി രാഷ്ട്രീയമോ ജനാധിപത്യ പ്രവർത്തനമോ അല്ല, മറിച്ച് ശുദ്ധമായ ഗുണ്ടായിസമാണെന്നും മന്ത്രി തുറന്നടിച്ചു. കണ്ണൂർ പയ്യാമ്പലം ഗസ്റ്റ് ഹൗസിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

ബിജെപിക്കും കേന്ദ്ര തെരഞ്ഞെടുപ്പ് കമ്മീഷനുമെതിരെ കോൺഗ്രസും പോഷക സംഘടനകളും സമരം ചെയ്യുമ്പോൾ കേരളത്തിലെ സിപിഎമ്മിന് എന്തിനാണ് ഇത്ര വലിയ അസ്വസ്ഥതയെന്ന് മുഖ്യമന്ത്രി വി ഡി സതീശൻ. സംഘപരിവാറിനെതിരെ ആർജ്ജവത്തോടെ പ്രതിഷേധമുയർത്തുമ്പോൾ സിപിഎമ്മിന് എന്തിനാണ് പൊള്ളുന്നതെന്നും, സംസ്ഥാനത്ത് ഏതെങ്കിലും തരത്തിലുള്ള അക്രമപ്രവർത്തനങ്ങളോ കലാപ അന്തരീക്ഷമോ ഉണ്ടാക്കാൻ ശ്രമിച്ചാൽ അതിശക്തമായ നടപടിയുണ്ടാകുമെന്നും മുഖ്യമന്ത്രി മുന്നറിയിപ്പ് നൽകി.

ദുബായിൽ നിന്ന് ടെൽ അവീവിലേക്ക് പറക്കവെ സഹപൈലറ്റിന്റെ ആക്രമണത്തിൽ തകർച്ചയുടെ വക്കിലെത്തിയ ഫ്ലൈ ദുബായ് വിമാനത്തിലെ യാത്രികരെ ജീവിതത്തിലേക്ക് കൈപിടിച്ചുയർത്തിയ ധീരനായ യാത്രികനുമായി കൂടിക്കാഴ്ച നടത്തി ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു. നൂറ്റിയെഴുപതിലധികം പേരുടെ ജീവൻ രക്ഷിച്ച രക്ഷാപ്രവർത്തനത്തിലെ പ്രധാനിയായ പ്ലംബർ യാനിവ് ഹയൂനാണ് കോക്ക്പിറ്റിൽ നടന്ന ചോരമരവിപ്പിക്കുന്ന നിമിഷങ്ങൾ പ്രധാനമന്ത്രിയോട് വിശദീകരിച്ചത്.