'ഗവര്‍ണര്‍ക്ക് പെന്‍ഷന്‍ ഇല്ലല്ലോ..'; വീണ്ടും വക്കീല്‍ കോട്ടിട്ട് പി എസ് ശ്രീധരന്‍ പിള്ള

ഏഴ് വര്‍ഷത്തിന് ശേഷം വീണ്ടും കോടതിയില്‍
ADVOCATE SREEDHARAN PILLAI
ADVOCATE SREEDHARAN PILLAI
Updated on: 
1 min read

കോഴിക്കോട്: മുന്‍ മിസോറാം, ഗോവ ഗവര്‍ണറും മുതിര്‍ന്ന ബിജെപി നേതാവുമായ പി എസ് ശ്രീധരന്‍ പിള്ള ഏഴ് വര്‍ഷത്തെ ഇടവേളയ്ക്ക് ശേഷം വീണ്ടും അഭിഭാഷക വേഷത്തില്‍ കോടതിയില്‍ എത്തി. 2025 ജൂലായില്‍ ഗവര്‍ണര്‍ പദവി ഒഴിഞ്ഞതിന് ശേഷം ആദ്യമായാണ് അദ്ദേഹം സജീവ അഭിഭാഷക വൃത്തിയിലേയ്ക്ക് മടങ്ങിയെത്തിയത്.

ആലപ്പുഴയിലെ എസ്ഡിപിഐ നേതാവ് കെ എസ് ഷാന്‍ കൊല്ലപ്പെട്ട കേസിലെ പ്രതികള്‍ക്ക് വേണ്ടി വെള്ളിയാഴ്ചയാണ് അദ്ദേഹം ആലപ്പുഴ സെഷന്‍സ് കോടതിയില്‍ ഹാജരായത്. ഏതാനും ദിവസം മുന്‍പ്, 2015ലെ നിയമസഭാ കൈയ്യാങ്കളി കേസിലെ ഒന്നാം പ്രതിയും മുന്‍ എംഎല്‍എയുമായ കെ അജിത്തിന് വേണ്ടിയും അദ്ദേഹം തിരുവനന്തപുരം ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരായിരുന്നു.

ADVOCATE SREEDHARAN PILLAI
ഇന്‍സ്റ്റഗ്രാം വിഡിയോയില്‍ കണ്ട ഫെയര്‍നെസ് ക്രീം വാങ്ങി; മലപ്പുറത്ത് 17കാരിക്ക് വൃക്കരോഗം, പരാതി

ഗവര്‍ണര്‍ സ്ഥാനം ഒഴിഞ്ഞതിന് ശേഷം അഭിഭാഷക വൃത്തിയിലേക്ക് തിരിച്ചെത്തുന്ന രാജ്യത്തെ ആദ്യത്തെ ആള്‍ താനാണെന്ന് ശ്രീധരന്‍ പിള്ള പറഞ്ഞു. അഭിഭാഷക ജോലിയോടുള്ള ഇഷ്ടം കൊണ്ടും മുന്‍ ഗവര്‍ണമാര്‍ക്ക് പെന്‍ഷന്‍ ഇല്ലാത്തതിനാലുമാണ് വീണ്ടും വക്കീല്‍ കുപ്പായമണിഞ്ഞതെന്ന് അദ്ദേഹം തമാശരൂപേണ മാധ്യമങ്ങളോട് പ്രതികരിച്ചു. നിയമരംഗത്ത് നാല് പതിറ്റാണ്ടിലേറെയുളള അനുഭവ സമ്പത്തും മികവും പരിഗണിച്ച് കേരള ഹൈക്കോടതി ഫുള്‍കോര്‍ട്ട് അദ്ദേഹത്തിന് സ്വമേധയാ 'സീനിയര്‍ അഭിഭാഷക' പദവി നല്‍കി ആദരിക്കുകയും ചെയ്തിരുന്നു.

ADVOCATE SREEDHARAN PILLAI
മാമിയെ തട്ടിക്കൊണ്ടുപോയി അനധികൃത തടങ്കലിലാക്കിയെന്ന് ക്രൈംബ്രാഞ്ച്; പുതിയ എഫ്ഐആർ

2019ല്‍ മിസോറാം ഗവര്‍ണറായി ചുമതലയേറ്റതിന് ശേഷമാണ് അദ്ദേഹം അഭിഭാഷക രംഗത്തു നിന്ന് വിട്ടു നിന്നത്. മുന്‍പ് ഹൈക്കോടതിയില്‍ കേന്ദ്ര സര്‍ക്കാരിന്റെയും സിബിഐയുടെയും സ്റ്റാന്‍ഡിങ് കൗണ്‍സലായും 12 കേസുകളില്‍ സ്‌പെഷ്യല്‍ പബ്ലിക് പ്രോസിക്യൂട്ടറായും അദ്ദേഹം പ്രവര്‍ത്തിച്ചിട്ടുണ്ട്.

Summary

After serving as Governor, P S Sreedharan Pillai returned to court as a lawyer

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER