പരിസരം വൃത്തിയാക്കുന്നതിനിടെ അങ്കണവാടി വര്‍ക്കര്‍ക്ക് പാമ്പുകടിയേറ്റു

പാലക്കാട്: പാലക്കാട് ഒറ്റപ്പാലം ശ്രീകൃഷ്ണപുരത്ത് അങ്കണവാടി ടീച്ചര്‍ക്ക് പാമ്പുകടിയേറ്റു. കളത്തില്‍ തൊടി വിശാലക്കാ( 57)ണ് പാമ്പ് കടിയേറ്റത്. ഇന്ന് രാവിലെ 11 മണിയോടെ അങ്കണവാടി പരിസരം വൃത്തിയാക്കുന്നതിനിടയിലാണ് സംഭവം.

അടിച്ചുവാരുന്നതിനിടെ വിശാലയുടെ കൈവിരലിലാണ് പാമ്പ് കടിയേറ്റത്. ഉടനെ തന്നെ നാട്ടുകാര്‍ ഒറ്റപ്പാലം താലൂക്ക് ആശുപത്രിയില്‍ എത്തിച്ചു. കടിച്ച പാമ്പിനെയും പിടികൂടി കൊണ്ടുപോയിരുന്നു. കുഴിമണലി ഇനത്തില്‍ പെട്ട പാമ്പാണ് കൈ വിരലില്‍ കടിച്ചത്. ഇവരുടെ ആരോഗ്യ നില തൃപ്തികരമാണ്.