പട്ടുവത്ത് മറ്റൊരു വയോധികയ്ക്ക് കൂടി പാമ്പുകടിയേറ്റു; വെന്റിലേറ്ററിൽ

കണ്ണൂർ: തളിപ്പറമ്പ് പട്ടുവത്ത് മറ്റൊരു വയോധികയ്ക്കും പാമ്പുകടിയേറ്റു. കാവുങ്കലിലെ നമ്പ്രോത്ത് വീട്ടില്‍ നാരായണി (77)യെയാണ് വീട്ടു പരിസരത്തു വച്ച് ചുരുട്ട മണ്ഡലിയെ കടിച്ചത്. ഞായർ വൈകീട്ട് നാലിന് വീട്ടുപരിസരം ശുചീകരിക്കുകയായിരുന്ന നാരായണിയുടെ കൈക്കാണ് കടിയേറ്റത്.

ഇവരെ പരിയാരം മെഡിക്കല്‍ കോളജ് ആശുപത്രിയിൽ പ്രവേശിപ്പിച്ചു. നിലവിൽ വെന്റിലേറ്ററിൽ പ്രവേശിപ്പിച്ചാണ് ചികിത്സ.

വെള്ളിയാഴ്ച്ച വീട്ടുപരിസരത്തുവെച്ച് പട്ടുവം മുതുകുടയിലെ നബീസയെ (75) പാമ്പ് കടിച്ചിരുന്നു. ഇവർ ചികിത്സയ്ക്കിടെ ഇന്ന് പുലർച്ചെ മരിച്ചു.