തിരുവനന്തപുരം: രാഹുല് മാങ്കൂട്ടത്തില് എംഎല്എക്കെതിരായ പീഡന കേസിലെ അതിജീവിതയെ അപമാനിച്ചെന്ന കേസില് കെപിസിസി ജനറല് സെക്രട്ടറി സന്ദീപ് വാര്യര്, പത്തനംതിട്ട മഹിളാ കോണ്ഗ്രസ് ജില്ലാ ജനറല് സെക്രട്ടറി രഞ്ജിത പുളിക്കന് എന്നിവരുടെ മുന്കൂര് ജാമ്യഹര്ജി പരിഗണിക്കുന്നത് ഡിസംബര് 15 ലേക്ക് മാറ്റി. അതുവരെ പ്രതികളെ അറസ്റ്റ് ചെയ്യില്ലെന്ന് പ്രോസിക്യൂഷന് കോടതിയെ അറിയിച്ചു.
തിരുവനന്തപുരം പ്രിന്സിപ്പല് സെഷന്സ് കോടതിയാണ് കേസ് പരിഗണിക്കുന്നത്. അതിജീവിതയുടെ വ്യക്തിത്വം വെളിപ്പെടുത്തല്, സ്ത്രീത്വത്തെ അപമാനിക്കല്, ഭീഷണിപ്പെടുത്തല് എന്നീ വകുപ്പുകള് ചേര്ത്താണ് പൊലീസ് കേസ് എടുത്തത്. ഈ കേസില് അറസ്റ്റിലായ ഒന്നാം പ്രതി രാഹുല് ഈശ്വറിനെ കോടതി റിമാന്ഡ് ചെയ്തിരുന്നു.
ദിലീപിനെ വെറുതെ വിട്ടതില് സന്തോഷമെന്ന് രാഹുല് ഈശ്വര്
നടിയെ ആക്രമിച്ച കേസില് നടന് ദിലീപിനെ വെറുതെ വിട്ടതില് സന്തോഷമുണ്ടെന്ന് രാഹുല് ഈശ്വര്. രാഹുല് മാങ്കൂട്ടത്തിലിനെ പിന്തുണച്ചതില് കുറ്റബോധമില്ല. കിഡ്നിക്ക് തകരാര് വരുമെന്ന് ഡോക്ടര്മാര് പറഞ്ഞതിനാലാണ് താന് ജയിലിലെ നിരാഹാരം അവസാനിപ്പിച്ചത്. സ്റ്റേഷന് ജാമ്യം ലഭിക്കാവുന്ന തന്നെ വെറുതെ ജയിലില് കിടത്തിയതാണെന്നും രാഹുല് ഈശ്വര് പറഞ്ഞു. റിമാന്ഡില് കഴിയുന്ന രാഹുല് ഈശ്വറിനെ കസ്റ്റഡിയില് വാങ്ങുന്നതിനായി കോടതിയില് ഹാജരാക്കുന്നതിന് മുന്പ് വൈദ്യപരിശോധനയ്ക്കായി ആശുപത്രിയില് എത്തിച്ചപ്പോഴായിരുന്നു പ്രതികരണം.
' ദിലീപിന് നീതി കിട്ടിയതില് സന്തോഷം. മാധ്യമങ്ങളോട് വിജയഭേരി മുഴക്കുകയല്ല, പക്ഷെ ദയവായി ഞങ്ങളെ പോലുളളവര് കള്ളക്കേസില് കുടുക്കപ്പെടുമ്പോള് നിങ്ങള് പിന്തുണയ്ക്കണം. കിഡ്നിക്ക് പ്രശ്നമാവുമെന്ന് ഡോക്ടര് പറഞ്ഞതുകൊണ്ടാണ് നിരാഹാരം അവസാനിപ്പിച്ചത്. നാലുദിവസം വെള്ളമില്ലാതെ കഴിഞ്ഞു. അഞ്ച് ദിവസം ആഹാരമില്ലാതെ കഴിഞ്ഞു. പതിനൊന്നുദിവസമായി.സ്റ്റേഷന് ജാമ്യം തരേണ്ട കേസാണ്' - രാഹുല് പറഞ്ഞു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
