ന്യൂഡല്‍ഹി : സ്വര്‍ണക്കടത്തിന് ശ്രമിച്ച മലയാളി മണിപ്പൂരില്‍ അറസ്റ്റിലായി. 909. 68 ഗ്രാം സ്വര്‍ണവുമായാണ് കോഴിക്കോട് സ്വദേശി മുഹമ്മദ് ഷരീഫിനെ ഇംഫാല്‍ വിമാനത്താവളത്തില്‍ പിടികൂടിയത്. 42 ലക്ഷം രൂപ വില വരുന്ന സ്വര്‍ണമാണ് സിഐഎസ്എഫ് പിടിയിലായത്.
മലദ്വാരത്തില്‍ നാലു പാക്കറ്റുകളിലാക്കിയാണ് ഇയാള്‍ സ്വര്‍ണം കടത്താന്‍ ശ്രമിച്ചത്. തിങ്കളാഴ്ച ഉച്ചയ്ക്ക് 2.40 നുള്ള ഇംഫാല്‍-ഡല്‍ഹി വിമാനത്തിലാണ് മുഹമ്മദ് ഷരീഫ് യാത്ര ചെയ്യേണ്ടിയിരുന്നത്.
സുരക്ഷാപരിശോധനയ്ക്കിടെ സംശയം തോന്നി ഇയാളെ ചോദ്യം ചെയ്യുകയായിരുന്നു. പരസ്പര വിരുദ്ധ മറുപടി ലഭിച്ചതിനെ തുടര്‍ന്ന് എക്‌സ്‌റേ പരിശോധന നടത്തിയപ്പോഴാണ്, ഒളിപ്പിച്ച നിലയില്‍ സ്വര്‍ണം കണ്ടെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
