15 വർഷം കഴിഞ്ഞ ഡീസൽ ഓട്ടോകൾക്ക് നിരോധനം; ജനുവരി ഒന്ന് മുതൽ നിരത്തിൽ ഇറക്കരുത്

തിരുവനന്തപുരം: 15 വർഷത്തിലേറെ പഴക്കമുള്ള ഡീസൽ ഓട്ടോറിക്ഷകൾക്കു ജനുവരി ഒന്നിന് ശേഷം നിരോധനം ഏർപ്പെടുത്തി കേരള മോട്ടോർ വാഹന ചട്ടം സർക്കാർ ഭേദ​ഗതി ചെയ്തു. പൊതു ​ഗതാ​ഗതത്തിന് ഉപയോ​ഗിക്കുന്ന ഓട്ടോറിക്ഷകൾക്കാണ് ബാധകം. 

ദേശീയ ഹരിത ട്രൈബ്യൂണലിന്റെ നിർദ്ദേശം കണത്തിലെടുത്തു വായു മലിനീകരണം നിയന്ത്രിക്കുന്നതിനാണ് നടപടി. എന്നാൽ 15 വർഷത്തിലേറെ പഴക്കമുള്ള ഓട്ടോകൾക്ക് വൈദ്യുതി, എൽപിജി, സിഎൻജി, എൽഎൻജി എന്നീ ഇന്ധനങ്ങളിലേക്കു മാറിയാൽ തുടർന്നും സർവീസ് നടത്താം.