തിരുവനന്തപുരം: മദ്യം വാങ്ങാന്‍ ബെവ് ക്യു ആപ്ലിക്കേഷന്‍ വഴിയുള്ള ബുക്കിങ് അവസാനിപ്പിക്കും. സംസ്ഥാനത്ത് ബാറുകള്‍ തുറക്കുകയും വില്‍പന ശാലകളുടെ സമയം നീട്ടുകയും ചെയ്ത സാഹചര്യത്തിലാണ് നടപടി. രാവിലെ 11മുതല്‍ രാത്രി 11വരെ ബാറുകള്‍ പ്രവര്‍ത്തിക്കും. ടൂറിസം മേഖലയിലെ ബാറുകള്‍ക്ക് രാത്രി 12വരെ പ്രവര്‍ത്തിക്കാം.
ബെവ്‌കോ, കണ്‍സ്യൂമര്‍ ഫെഡ് ഔട്ട്‌ലറ്റുകള്‍ രാവിലെ 10മുതല്‍ രാത്രി 9വരെ പ്രവര്‍ത്തിക്കും. കഴിഞ്ഞദിവസം ഇറങ്ങിയ ഉത്തരവ് പ്രകാരം ബാറുകള്‍ 9മണിക്ക് അടയ്ക്കണമെന്നായിരുന്നു. എന്നാല്‍ 11മണിവരെ നീട്ടിക്കൊണ്ട് രണ്ടാമതൊരു ഉത്തരവ് കൂടി ഇറങ്ങി.
ആപ്ലിക്കേഷന്റെ ഭാവിയെക്കുറിച്ച് ബിവറേജസ് കോര്‍പ്പറേന്‍ മാനേജിങ് ഡയറക്ടര്‍ ജി സ്പര്‍ജന്‍കുമാര്‍ സര്‍ക്കാരിന് റിപ്പോര്‍ട്ട് നല്‍കും. മുഖ്യമന്ത്രിയുടെ അനുമതിയോടെ ആയിരിക്കും അന്തിമ തീരുമാനം. ചൊവ്വാഴ്ച വൈകുന്നേരത്തോടെ ബെവ്‌കോ ഗോഡൗണുകളില്‍ നിന്ന് പൂര്‍ണതോതില്‍ ബാറുകളിലേക്ക് മദ്യം എത്തിച്ചു തുടങ്ങി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
