കോഴിക്കോട്: കോഴിക്കോട് വിലങ്ങാട് ബക്രീദിന് ബലി കൊടുക്കാന്‍ കൊണ്ട് വന്ന പോത്ത് വിരണ്ടോടി. പത്ത് കിലോമീറ്ററിലധികം ദൂരം ഓടിയ പോത്തിനെ മണിക്കൂറുകള്‍ നീണ്ട പരിശ്രമത്തിന് ഒടുവിലാണ് പിടികൂടിയത്. അതിനിടെ പോത്തിന്റെ പിന്നാലെ ഓടിയ ചിലര്‍ക്ക് വീണ് പരിക്കേറ്റിട്ടുണ്ട്.
ഇന്ന് രാവിലെയാണ് സംഭവം. വിലങ്ങാട് നിന്ന് വിരണ്ടോടിയ പോത്ത് പത്തുകിലോമീറ്ററുകള്‍ക്ക് അപ്പുറം കുന്നുമ്മല്‍ പഞ്ചായത്ത് വരെ എത്തി. ഇതിന്റെ പിന്നാലെ ഓടുന്നതിനിടെയാണ് ചിലര്‍ക്ക് വീണ് പരിക്കേറ്റത്. പൊലീസും അഗ്‌നി ശമനയും നാട്ടുകാരും പോത്തിനെ പിടികൂടാന്‍ ശ്രമം നടത്തിയെങ്കിലും വിഫലമായിരുന്നു.
വിരണ്ടോടുന്നതിനിടെ പോത്ത് ആരെയും ആക്രമിച്ചിട്ടില്ല. എന്നാല്‍ നിരവധി കാര്‍ഷിക വിളകള്‍ നശിപ്പിച്ചു.ആവളയില്‍ നിന്നുള്ള വിദഗ്ദ സംഘമെത്തിയാണ് തളച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
