കേരള സര്വകലാശാലയിലെ ജാതി അധിക്ഷേപം: സംസ്കൃത വകുപ്പ് മേധാവിക്കെതിരെ കേസ്
തിരുവനന്തപുരം: കേരള സര്വകലാശാലയിലെ ജാതി അധിക്ഷേപത്തില് പൊലീസ് കേസെടുത്തു. കാര്യവട്ടം ക്യാമ്പസിലെ സംസ്കൃതം വിഭാഗം മേധാവി ഡോ. സി എന് വിജയകുമാരിക്കെതിരെയാണ് ശ്രീകാര്യം പൊലീസ് കേസെടുത്തത്. ഗവേഷക വിദ്യാര്ത്ഥി വിപിന് വിജയന്റെ പരാതിയിലാണ് കേസ്.
എസ് സി - എസ് എസ് ടി നിയമപ്രകാരമാണ് കേസെടുത്തിരിക്കുന്നത്. അധ്യാപിക ജാതി പറഞ്ഞ് ആക്ഷേപിക്കുകയും തീസസില് ഒപ്പിടുകയും ചെയ്തില്ലെന്നാണ് വിദ്യാര്ത്ഥിയുടെ പരാതി. സംസ്കൃത വിഭാഗം മേധാവി ഗവേഷണ പ്രബന്ധം തടഞ്ഞത് വ്യക്തി വിരോധം കൊണ്ടാണെന്നുമായിരുന്നു ആക്ഷേപം.
കേരള സര്വകലാശാല ഓറിയന്റല് സ്റ്റഡീസ് വിഭാഗം ഡീനാണ് ഡോ.സി എന് വിജയകുമാരി. ഗവേഷക വിദ്യാര്ത്ഥിയായ വിപിന് വിഷയത്തില് പ്രാവീണ്യമില്ലെന്ന് സംസ്കൃതം വിഭാഗം മേധാവി വിലയിരുത്തിയിരുന്നു. ഒക്ടോബര് അഞ്ചിന് വിപിന്റെ പ്രബന്ധത്തെക്കുറിച്ചുള്ള ഓപ്പണ് ഡിഫന്സ് നടന്നിരുന്നു.
എന്നാല് മൂല്യനിര്ണയ സമിതി ചെയര്മാന് അംഗീകരിച്ച വിപിന്റെ പി എച്ച് ഡി പ്രബന്ധം നിലവാരമില്ലാത്തതാണെന്നും ഗവേഷകന് സംസ്കൃതം അറിയില്ലെന്നും കാണിച്ച് ഡീന് ഡോ. സി.എന്.വിജയകുമാരി വൈസ് ചാന്സലര്ക്ക് കത്തു നല്കിയിരുന്നു. മൂല്യനിര്ണയ കമ്മിറ്റി ചെയര്മാന്റെ ശുപാര്ശ റദ്ദാക്കണമെന്നാണ് പരാതിയിലുള്ളത്.
Police register case against Sanskrit department head for caste abuse at Kerala University
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
