കടല, പഞ്ചസാര, ചെറുപയർ, ഉഴുന്ന്; 11 ഇനങ്ങൾ; എല്ലാ റേഷൻ കാർഡ് ഉടമകൾക്കും ക്രിസ്മസ് ഭക്ഷ്യക്കിറ്റ്

തിരുവനന്തപുരം: എല്ലാ റേഷൻ കാർഡ് ഉടമകൾക്കും ഡിസംബറിൽ ക്രിസ്മസ് ഭക്ഷ്യക്കിറ്റ് നൽകും. സെപ്റ്റംബർ മുതൽ നൽകി വരുന്ന ഭക്ഷ്യക്കിറ്റിൽ എട്ട് ഇനങ്ങളാണുള്ളത്. ഡിസംബറിൽ വിതരണം ചെയ്യുന്ന കിറ്റിൽ 11 ഇനങ്ങൾ ഉൾപ്പെടുത്താൻ ഭക്ഷ്യ വകുപ്പ് ഉത്തരവിറക്കി. സപ്ലൈക്കോ എംഡിയുടെ ശുപാർശ അം​ഗീകരിച്ചാണിത്. 

കടല, പഞ്ചസാര, ചെറുപയർ, ഉഴുന്ന് എന്നിവ 500 ​ഗ്രാം വീതം നുറുക്കു ​ഗോതമ്പ് ഒരു കിലോ, വെളിച്ചെണ്ണ അര ലിറ്റർ, മുളകു പൊടി, തുവരപ്പരിപ്പ്, തേയില 250 ​ഗ്രാം വീതം, തുണി സഞ്ചി, രണ്ട് ഖദർ മാസ്ക് എന്നിവ അടങ്ങുന്നതാണ് കിറ്റ്. നേരത്തെ ഓണത്തിന് 11 ഇനങ്ങളുള്ള കിറ്റ് നൽകിയിരുന്നു.