സിഎംആര്എല്എക്സാലോജിക് മാസപ്പടി കേസില് ഹവാല ഇടപാടിനു തെളിവ് ലഭിച്ചതായി എന്ഫോഴ്സ്മെന്റ് ഡയറക്ടറേറ്റ് (ഇ.ഡി). വീണ ടി ദുബൈയിലേക്ക് 85 ലക്ഷം രൂപ അയച്ചതായും അതിന്റെ രേഖകള് ഡയറിയില് നിന്ന് കണ്ടെത്തിയതായും ഇഡി അറിയിച്ചു. വരുമാനത്തേക്കാള് കൂടുതല് തുകയുടെ ഇടപാട് നടത്തിയതായും ഇരുപത് കോടിയുടെ ഇടപാട് വിവരങ്ങള് ഡയറിയില് രേഖപ്പെടുത്തിയതായും ഇഡി വൃത്തങ്ങള് വ്യക്തമാക്കി..ലോക്സഭാ തെരഞ്ഞെടുപ്പുകള്ക്കൊപ്പം നിയമസഭാ തെരഞ്ഞെടുപ്പുകള്ക്ക് ഒരുങ്ങാന് ബിജെപി നിര്ദേശം. മുന്നൊരുക്കത്തിന്റെ ഭാഗമായി ബിജെപി മേഖല പ്രഭാരിമാര്ക്ക് മാറ്റം. അനൂപ് അന്റണിക്ക് പത്തനംതിട്ട, ആലപ്പുഴ ജില്ലയുടെയും ഷോണ് ജോര്ജിന് എറണാകുളം, കോട്ടയം, ഇടുക്കി ജില്ലകളുടെ ചുമതലയും നല്കി..സിജെപിയും ഇടതുപാര്ട്ടികളും സംഘടിപ്പിക്കുന്ന പ്രതിഷേധങ്ങള് നിന്ന് വിദ്യാര്ഥികളെ വിലക്കണമെന്ന ഉത്തരവുമായി തമിഴ്നാട് സര്ക്കാര്. ഉന്നതവിദ്യാഭ്യാസ വകുപ്പിന് നല്കിയ ഉത്തരവ് വിവാദമായതിന് തൊട്ടുപിന്നാലെ വിജയ് സര്ക്കാര് നടപടി പിന്വലിച്ചു..ലോക്ഭവനു മുന്നിലെ റോഡില് കുഴഞ്ഞുവീണ വഴിയാത്രക്കാരന് അടിയന്തര സഹായവുമായി ഗവര്ണര് രാജേന്ദ്ര അര്ലേക്കര്. ഓണാഘോഷത്തില് പങ്കെടുക്കാനായി ഗവര്ണര് രാജ്ഭവനില് നിന്ന് പുറത്തേക്ക് ഇറങ്ങുന്നതിനിടെയാണ് വഴിയാത്രക്കാരനായ ഗീരിഷ് കുഴഞ്ഞുവീണത് ശ്രദ്ധയില്പ്പെട്ടത്. പ്രമേഹം കൂടിയതോടെ ശാരീരകാസ്വാസ്ഥ്യമുണ്ടാവുകയും കുഴഞ്ഞുവീഴുകയുമായിരുന്നു എന്നാണ് റിപ്പോർട്ട്..വിഴിഞ്ഞം പദ്ധതിയുടെ റോഡ് കണക്ടിവിറ്റി എല്ഡിഎഫ് സര്ക്കാര് വൈകിപ്പിച്ചെന്ന മുഖ്യമന്ത്രി വിഡി സതീശന്റെ പ്രസ്താവന വസ്തുതവിരുദ്ധവും അപഹാസ്യവുമെന്ന് പ്രതിപക്ഷ നേതാവ് പിണറായി വിജയന്. വസ്തുതകളെ മറച്ചുവെച്ച് ജനങ്ങളെ തെറ്റിദ്ധരിപ്പിക്കാനും വിഴിഞ്ഞം പദ്ധതിയുടെ ക്രെഡിറ്റ് ഏറ്റെടുക്കാനുമുള്ള വിലകുറഞ്ഞ രാഷ്ട്രീയ അഭ്യാസമാണിതെന്നും പിണറായി പറഞ്ഞു. .Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
