തിരുവനന്തപുരം: ഈ വര്ഷം നവംബര് ഒന്നിനകം സമ്പൂര്ണ്ണ ഡിജിറ്റലൈസേഷന് നടപ്പിലാക്കുന്ന ആദ്യ വകുപ്പായി റവന്യു വകുപ്പ് മാറുമെന്ന് റവന്യൂ വകുപ്പ് മന്ത്രി കെ രാജന്. കാട്ടാക്കട മണ്ഡലത്തിലെ കുളത്തുമ്മല്, നെടുമങ്ങാട് മണ്ഡലത്തിലെ നെടുമങ്ങാട് എന്നീ സ്മാര്ട്ട് വില്ലേജ് ഓഫീസുകളുടെ ഉദ്ഘാടനം നിര്വഹിച്ച് സംസാരിക്കുകയായിരുന്നു മന്ത്രി.
നവംബര് ഒന്നിനകം വില്ലേജ് ഓഫീസുകള് മുതല് സെക്രട്ടേറിയറ്റ് വരെ എല്ലാ സേവനങ്ങളും സ്മാര്ട്ട് ആകും. എല്ലാ ഓഫീസുകളും ഇ -ഓഫീസ് ആയി കണക്ട് ചെയ്യും. സംസ്ഥാനത്തെ 94 ലക്ഷം വീടുകളില് ഓരോ വീട്ടിലും ഒരാളെയെങ്കിലും റവന്യൂ സേവനങ്ങളെക്കുറിച്ച് ബോധവാന്മാരാക്കുന്നതിന് റവന്യു ഇ- സാക്ഷരത യജ്ഞം നടപ്പിലാക്കാന് പോവുകയാണ് സര്ക്കാര്.
ഈ വര്ഷം മെയില് ആരംഭിച്ച് രണ്ടു വര്ഷത്തിനകം ഇത് പൂര്ത്തിയാകുമെന്നും മന്ത്രി പറഞ്ഞു. കുളത്തുമ്മല് വില്ലേജ് ഓഫീസ് ഉദ്ഘാടന ചടങ്ങില് ഐബി സതീഷ് എംഎല്എയും നെടുമങ്ങാട് ഭക്ഷ്യ പൊതുവിതരണ വകുപ്പ് മന്ത്രി ജി ആര് അനിലും അധ്യക്ഷന്മാരായി. ജില്ലാ കലക്ടര് ജെറോമിക് ജോര്ജ് സ്വാഗതം പറഞ്ഞു. ത്രിതല പഞ്ചായത്ത് പ്രതിനിധികള്, ഉദ്യോഗസ്ഥര് തുടങ്ങിയവര് പങ്കെടുത്തു.
ഈ വാര്ത്ത കൂടി വായിക്കൂ മാലിന്യ സംസ്കരണത്തിന് നിരീക്ഷണ സംവിധാനവുമായി ഹൈക്കോടതി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
