തിരുവനന്തപുരം: എ കെ ജി സെന്റർ ആക്രമണത്തിൽ അന്വേഷണം യൂത്ത് കോൺഗ്രസ് നേതാക്കളെ കേന്ദ്രീകരിച്ചതിനെതിരെ കെ പി സി സി പ്രസിഡന്റ് കെ സുധാകരൻ. ജനങ്ങൾ വിഡ്ഢികളാണെന്ന് സി പി എം കരുതരുതെന്നാണ് അദ്ദേഹം വാർത്താസമ്മേളനത്തിൽ പറഞ്ഞത്.
ഇത്രയും മാസം പൊലീസ് അന്വേഷിച്ചിട്ടും ഇപ്പോഴാണ് പ്രതികളെ മനസ്സിലായത്. മുൻ കൗൺസിലർ ഐ പി ബിനുവിന്റെ പേരാണ് എ കെ ജി സെന്ററിനടുത്ത് പെട്ടിക്കട നടത്തുന്ന സി പി എം അനുഭാവിയായ ദൃക്‌സാക്ഷി പൊലീസിനോട് പറഞ്ഞത്. എന്നാൽ ഇപ്പോൾ ഐ പി ബിനുവുമില്ല, ചായക്കടക്കാരനുമില്ല. കോൺഗ്രസുകാരനായ പ്രവർത്തകനും നേതാവിനോട് അടുപ്പമുള്ള ആളുമാണെന്നാണ് പൊലീസിൽനിന്ന് ലഭിക്കുന്ന വിവരം.
ഇങ്ങനെ പൊലീസിനെ കൊണ്ടുപോയാൽ പ്രത്യാഘാതം രാഷ്ട്രീയപരമായി ഗുരുതരമായിരിക്കുമെന്നും ഉയർന്ന നിലവാരമുള്ള ജനസമൂഹത്തിന്റെ മധ്യത്തിലാണ് നമ്മൾ ജീവിക്കുന്നതെന്ന് സി പി എം മറക്കരുതെന്നും സുധാകരൻ പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
