കൊച്ചി : മന്ത്രി കെ ടി ജലീലിന് ചോദ്യം ചെയ്യലിന് ഹാജരാകാന് ആവശ്യപ്പെട്ട് കസ്റ്റംസിന്റെ നോട്ടീസ്. തിങ്കളാഴ്ച കൊച്ചിയിലെ ഓഫീസില് ഹാജരാകാനാണ് നോട്ടീസില് ആവശ്യപ്പെട്ടിട്ടുള്ളത്. കോണ്സുലേറ്റ് വഴി മതഗ്രന്ഥം വിതരണം ചെയ്ത സംഭവത്തിലാണ് മന്ത്രിയെ ചോദ്യം ചെയ്യാന് വിളിപ്പിച്ചിരിക്കുന്നത്.
കേസുമായി ബന്ധപ്പെട്ട് നേരത്തെ എന്ഐഎയും എന്ഫോഴ്സ്മെന്റ് ഡയറക്ടറേറ്റും രണ്ടു തവണ മന്ത്രി ജലീലിനെ ചോദ്യം ചെയ്തിരുന്നു. ആകെ 4478 കിലോഗ്രാം മതഗ്രന്ഥമാണ് നയതന്ത്ര പാഴ്സല് ആയി സംസ്ഥാനത്ത് എത്തിച്ചത്.
ഇത് മലപ്പുറത്ത് വിതരണം ചെയ്തുവെന്നാണ് മന്ത്രി അറിയിച്ചത്. ഇതില് പ്രോട്ടോക്കോള് ലംഘനം ഉണ്ടായി എന്നാണ് കണ്ടെത്തല്. നയതന്ത്ര പാഴ്സലില് എത്തുന്ന വസ്തുക്കള് പുറത്ത് വിതരണം ചെയ്യാന് പാടില്ല എന്നാണ് ചട്ടം.
നയതന്ത്ര പാഴ്സല് വഴി ഈന്തപ്പഴം ഇറക്കുമതി ചെയ്ത സംഭവത്തിലും കസ്റ്റംസ് കേസെടുത്ത് അന്വേഷണം ആരംഭിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
