കൊച്ചി: ഹിജാബ് വിവാദത്തില് രൂക്ഷ വിമര്ശനവുമായി കത്തോലിക്കസഭ മുഖപത്രം ദീപിക. കഴിഞ്ഞ വര്ഷം ക്രൈസ്തവ സ്കൂളുകളില് നിസ്കാര മുറികള് അനുവദിക്കണമെന്ന് ആവശ്യപ്പെട്ടവര് ഇക്കൊല്ലം ഹിജാബ് ധരിക്കാനുള്ള ആവശ്യവുമായി എത്തിയിരിക്കുകയാണ്. ഭരണഘടനാവകാശം നിഷേധിച്ചെന്ന ഇരവാദവും പൊക്കിപ്പിടിച്ചുള്ള നാടകങ്ങള് അവസാനിപ്പിക്കണമെന്നും മുഖപ്രസംഗം പറയുന്നു.
'ഇരവാദം പൊക്കിപ്പിടിച്ചുള്ള നാടകങ്ങള്ക്ക് ബന്ധപ്പെട്ട സമുദായത്തിന്റെ നേതാക്കള് തിരശ്ശീല ഇടുന്നതാണ് നല്ലത്. ഒരു ജനാധിപത്യ-മതേതര സമൂഹത്തെ മതശാഠ്യങ്ങള്കൊണ്ട് പൊറുതിമുട്ടിക്കുന്നവരെ നിയന്ത്രിക്കണമെന്നും താത്പര്യമില്ലാത്തവര്ക്കു മതപ്രകടനങ്ങള് അനുവദിക്കുന്ന സ്കൂളിലേക്കു പോകാമല്ലോയെന്നും' മുഖപ്രസംഗത്തില് പറയുന്നു.
'തങ്ങളുടെ സ്കൂളിന്റെ നിയമങ്ങള് പാലിച്ച്, സഹപാഠികള് ഉള്പ്പെടെയുള്ളവരുടെ വികാരങ്ങളെ ബഹുമാനിച്ച് പഠിക്കാനെത്തുന്ന മുസ്ലിം ഉള്പ്പെടെയുള്ള ലക്ഷക്കണക്കിനു വിദ്യാര്ഥികളുടെയും മാതാപിതാക്കളുടെയും മാതൃക എന്താണ് ചിലര്ക്കു മാത്രം അസാധ്യമാകുന്നത് വിദേശരാജ്യങ്ങളില് കുടിയേറി സ്വന്തം മതത്തിന്റെ പ്രകടനങ്ങള്കൊണ്ട് അന്നാട്ടുകാരെ പ്രകോപിപ്പിക്കുന്നതിന്റെ ഫലം ഇന്ത്യക്കാരുള്പ്പെടെ ലോകമെങ്ങും അനുഭവിച്ചുതുടങ്ങിയിട്ടുണ്ട്. ചെറുപ്പം മുതലേ കുട്ടികളില് തീവ്ര മതവികാരം കുത്തിനിറക്കുന്ന ഇത്തരം പ്രകടനങ്ങളെ നിയന്ത്രിക്കുന്നതില് സര്ക്കാരുകളും കോടതികളും ജാഗ്രത പാലിക്കണം. വിദ്യാര്ഥികളെയെങ്കിലും രക്ഷിക്കണം'
'449 മറ്റു വിദ്യാര്ഥികളെപ്പോലെ പെരുമാറാന് പറ്റില്ലെന്ന വാശിയിലാണെങ്കില് മാതാപിതാക്കള് വിദ്യാര്ഥിനിയെ അവരുടെ താത്പര്യങ്ങള് സംരക്ഷിക്കുന്ന മറ്റേതെങ്കിലും സ്കൂളിലേക്ക് മാറ്റൂവെന്നും മുഖപ്രസംഗത്തില് പറയുന്നു. 'സ്കൂളുകളില് യൂനിഫോം മറക്കുന്ന രീതിയിലുള്ള വേഷം പാടില്ലെന്നും യൂനിഫോം എല്ലാവര്ക്കും ഒരുപോലെ ബാധകമാണെന്നും പറഞ്ഞ വിദ്യാഭ്യാസമന്ത്രി, സ്കൂള് മാനേജ്മെന്റ് ഇത്തരം കാര്യങ്ങള് ഉത്തരവാദിത്വബോധത്തോടെ കൈകാര്യം ചെയ്യണമെന്നും ബാലന്സ് ചെയ്താണ് പ്രതികരിച്ചത്. മറ്റു മതസ്ഥര് നടത്തുന്ന സ്കൂളുകളില് നിസ്കാരമുറിയുടെയും ഹിജാബിന്റെയുമൊക്കെ മറയില് നുഴഞ്ഞുകയറാന് ശ്രമിക്കുന്ന മതമൗലികവാദത്തെ ചെറുക്കുന്നതല്ലേ ഉത്തരവാദിത്വബോധം ' -എന്നും മുഖപ്രസംഗം പറയുന്നു.
എറണാകുളം പള്ളുരുത്തി സെന്റ് റീത്താസ് പബ്ലിക് സ്കൂളില് ശിരോവസ്ത്രം ധരിച്ചതിന്റെ പേരില് എട്ടാം ക്ലാസ് വിദ്യാര്ത്ഥിനിയെ ക്ലാസില് കയറ്റാതെ പുറത്തുനിര്ത്തിയ സംഭവമാണ് വലിയ വിവാദമായത്. വിദ്യാര്ത്ഥിനിയുടെ പിതാവ് നല്കിയ പരാതിയുടെ അടിസ്ഥാനത്തില് എറണാകുളം വിദ്യാഭ്യാസ ഉപഡയറക്ടര് അന്വേഷണം നടത്തുകയും സ്കൂള് അധികൃതരുടെ ഭാഗത്ത് ഗുരുതരമായ വീഴ്ച സംഭവിച്ചതായി കണ്ടെത്തിയിരുന്നു. സംഭവത്തില് സ്കൂള് അധികൃതരുടെ ഭാഗത്ത് ഗുരുതരമായ വീഴ്ച സംഭവിച്ചതായി കണ്ടെത്തിയതായും മതേതര മൂല്യങ്ങള് ഉയര്ത്തിപ്പിടിക്കുന്ന കേരളത്തില് ഒരു വിദ്യാര്ഥിക്കും ഇത്തരം ദുരനുഭവങ്ങള് ഉണ്ടാകാന് പാടില്ലെന്നാണ് വിദ്യാഭ്യാസ മന്ത്രി വി. ശിവന്കുട്ടി പ്രതികരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
