കൊച്ചി: നടിയെ ആക്രമിച്ച കേസിലെ ജഡ്ജി ഹണി എം വര്ഗീസിന് എതിരെ അതിജീവിത. ഹണി എം വര്ഗീസിന് സ്ഥാനക്കയറ്റം നല്കരുതെന്ന് അതിജീവിത ആവശ്യപ്പെട്ടു. ഇക്കാര്യം വ്യക്തമാക്കി രാഷ്ട്രപതിക്കും സുപ്രീം കോടതി ചീഫ് ജസ്റ്റിസ്സിനും അതിജീവിത നിവേദം നല്കി. ഹണി എം വര്ഗീസിനെ ഹൈക്കോടതി ജഡ്ജിയാക്കാനുള്ള നീക്കങ്ങള്ക്കിടെയാണ് അതീജീവിതയുടെ നടപടി.
കേന്ദ്ര ആഭ്യന്തര മന്ത്രിക്കും നിയമ മന്ത്രിക്കും കേരള ഹൈക്കോടതി ചീഫ് ജസ്റ്റിസിനും അതിജീവിത നിവേദനം സമര്പ്പിച്ചിട്ടുണ്ട്. കേസില് തനിക്ക് നീതി ലഭിച്ചില്ലെന്നും നിവേദനത്തില് പറയുന്നു. പീഡന ദൃശ്യങ്ങള് ചോര്ന്നതായും നടി ആശങ്ക പ്രകടിപ്പിക്കുന്നുണ്ട്.
ഹണി എം വര്ഗീസിനെ ഹൈക്കോടതി ജഡ്ജിയാക്കാന് കൊളീജിയം ശുപാര്ശ ചെയ്തിരുന്നു. ഹണി എം വര്ഗീസ് ഉള്പ്പടെ അഞ്ച് പ്രിന്സിപ്പല് ജില്ലാ ജഡ്ജിമാരെ ഹൈക്കോടതി ജഡ്ജിമാരാക്കാനായിരുന്നു ഹൈക്കോടതി കൊളീജിയത്തിന്റെ ശുപാര്ശ. ശുപാര്ശയില് സുപ്രീം കോടതി കൊളീജിയം തീരുമാനമെടുക്കുകയും പിന്നീട് അത് രാഷ്ട്രപതി അന്തിമമാക്കുകയുമാണ് ചെയ്യുന്നത്. 2019ലാണ് സിബിഐ സ്പെഷ്യല് കോടതി ജഡ്ജിയായിരുന്ന ഹണി എം വര്ഗീസിനെ നടിയെ ആക്രമിച്ച കേസില് പ്രത്യേക കോടതി ജഡ്ജിയായി ഹൈക്കോടതി നിയമിച്ചത്. നടിയെ ആക്രമിച്ച കേസില് നടന് ദിലീപിനെ കോടതി കുറ്റവിമുക്തനാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
