തിരുവനന്തപുരം: ക്രിസ്മസ്, പുതുവത്സരാഘോഷങ്ങള്‍ കരുതലോടെ വേണമെന്ന് ആരോഗ്യമന്ത്രി കെ കെ ശൈലജ. വലിയ പ്രതീക്ഷകളോടെയാണ് ലോകം പുതിയ വര്‍ഷത്തെ വരവേല്‍ക്കുന്നത്. എന്നാല്‍ ആഘോഷങ്ങള്‍ കരുതലോടെ വേണം. കോവിഡ് പ്രോട്ടോക്കോള്‍ പാലിക്കണം - വീഡിയോ സന്ദേശത്തില്‍ മന്ത്രി പറഞ്ഞു. എല്ലാവര്‍ക്കും ആരോഗ്യമന്ത്രി ക്രിസ്മസ് പുതുവര്‍ഷാശംകള്‍ നേരുകയും ചെയ്തു.
പുതിയൊരു വര്‍ഷത്തിലേക്ക് കടക്കുമ്പോള്‍ മനസ്സില്‍ പ്രതീക്ഷകള്‍ നിലനിര്‍ത്തണമെന്ന് മന്ത്രി പറഞ്ഞു. ക്രിസ്മസിനെയും പുതുവര്‍ഷത്തെയും വരവേല്‍ക്കാം, മനസ്സുകൊണ്ട് ഒന്നിക്കാം, വലിയ കൂട്ടായ്മകള്‍ വേണ്ട.
കേരളം മഹാമാരിക്കെതിരെ മികച്ച രീതിയില്‍ത്തന്നെ പൊരുതിയിട്ടുണ്ട്. മരണനിരക്ക് ഏറ്റവും കുറയ്ക്കാന്‍ കഴിഞ്ഞത് എല്ലാവരും ചേര്‍ന്നു നടത്തിയ പോരാട്ടം കൊണ്ടാണ്. എന്നാല്‍ മുന്‍കരുതലുകള്‍ മറന്നുപോകരുതെന്നും മന്ത്രി കെ കെ ശൈലജ ഓര്‍മിപ്പിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
