സിസ്റ്റത്തിൽ വീഴ്ചയുണ്ടെന്ന് അന്വേഷണ സമിതി, എന്തുശിക്ഷയും ഏറ്റുവാങ്ങാൻ തയ്യാറെന്ന് ഡോ. ഹാരിസ്; ഇന്നത്തെ 5 പ്രധാന വാർത്തകൾ

മെഡിക്കൽ കോളേജിലെ ഉപകരണങ്ങൾ വാങ്ങുന്നത് അടക്കമുള്ള സംവിധാനങ്ങളുടെ പരിമിതി പരിഹരിക്കണമെന്നും, നടപടികൾ ലളിതമാക്കണമെന്നും അന്വേഷണ സമിതിയുടെ റിപ്പോർട്ട്. ഫെയ്സ്ബുക്ക് പോസ്റ്റ് ഇട്ടതിൽ എന്തു ശിക്ഷാ നടപടിയും സ്വീകരിക്കാൻ തയ്യാറെന്ന് ഡോ. ഹാരിസ് പറഞ്ഞു. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം

മെഡിക്കൽ കോളേജിലെ ഉപകരണക്ഷാമത്തെക്കുറിച്ചുള്ള ഡോ. ഹാരിസ് ചിറയ്ക്കലിന്റെ വിമർശനം തള്ളാതെ വിദഗ്ധസമിതി റിപ്പോർട്ട്. ഉപകരണങ്ങൾ വാങ്ങുന്നത് അടക്കമുള്ള സംവിധാനങ്ങളുടെ പരിമിതി പരിഹരിക്കണം. കാലതാമസം ഒഴിവാക്കണം. ഡോ. ഹാരിസിനെതിരെ അച്ചടക്ക നടപടി വേണ്ടെന്നും റിപ്പോർട്ടിൽ നിർദേശിക്കുന്നു.

തുറന്നു പറഞ്ഞത് ശരിയല്ലെന്ന് അറിയാമെങ്കിലും, വേറെ മാര്‍ഗങ്ങളില്ലായിരുന്നുവെന്ന് ഡോ. ഹാരിസ് ചിറയ്ക്കല്‍. തുറന്നു പറച്ചിലില്‍ നടപടി ഉണ്ടാകുമെന്ന് കരുതുന്നു. ഫെയ്‌സ്ബുക്ക് പോസ്റ്റിട്ടത് തെറ്റായിപ്പോയി. എന്തു ശിക്ഷയും ഏറ്റുവാങ്ങാന്‍ തയ്യാറാണ്. ഡോ. ഹാരിസ് പറഞ്ഞു.

മുൻ മുഖ്യമന്ത്രി വിഎസ് അച്യുതാനന്ദന്റെ ആരോഗ്യനില അതീവ ഗുരുതരമായി തുടരുന്നു. ആരോഗ്യസ്ഥിതി മോശമായതിനാൽ ഇന്നലെ രണ്ട് തവണ ഡയാലിസിസ് നിർത്തിവയ്ക്കേണ്ടി വന്നു. വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തുന്നത്.

18 ലിറ്റർ പാലുമില്ല, ഒടുക്കത്തെ വയലൻസും! "സൈക്കോ" പശുവിനെ വാങ്ങി കുടുങ്ങിയ മത്തായിക്ക് ഒടുവിൽ നീതി

യുദ്ധത്തിന്റെ കാലഘട്ടമല്ല ഇതെന്ന് പ്രധാനമന്ത്രി നരേന്ദ്രമോദി. ചര്‍ച്ചകളിലൂടെ സംഘര്‍ഷങ്ങള്‍ പരിഹരിക്കണമെന്ന് മോദി ആവശ്യപ്പെട്ടു. നരേന്ദ്രമോദി ഇന്ന് ഘാന പാര്‍ലമെന്റിനെ അഭിസംബോധന ചെയ്യും. ഘാനയുടെ പരമോന്നത ബഹുമതിയായ 'ദി ഓഫീസര്‍ ഓഫ് ദി ഓര്‍ഡര്‍ ഓഫ് ദി സ്റ്റാര്‍ ഓഫ് ഘാന' ബഹുമതി നരേന്ദ്രമോദിക്ക് സമ്മാനിച്ചു.