ഡ‍ോ. മോഹനൻ കുന്നുമ്മൽ ആരോ​ഗ്യ സർവകലാശാല വിസിയായി തുടരും

തിരുവനന്തപുരം: ഒക്ടോബർ 27നു ആരോ​ഗ്യ സർവകലാശാല വൈസ് ചാൻസലർ പദവിയിൽ കാലാവധി പൂർത്തിയാക്കുന്ന ഡോ. മോഹനൻ കുന്നുമ്മലിനു വൈസ് ചാൻസലറായി വീണ്ടും നിയമനം. പുനർ നിയമനം നൽകി ​ഗവർണർ ആരിഫ് മുഹമ്മദ് ഖാൻ ഉത്തരവിട്ടു. അഡ്വക്കേറ്റ് ജനറലിന്റെ നിയമോപദേശത്തിന്റെ അടിസ്ഥാനത്തിലാണ് ഡോ. മോഹനൻ കുന്നുമ്മലിന്റെ പുനർ നിയമനം.

ഡോ. മോഹനൻ കേരള സർവകലാശാല വൈസ് ചാൻസലറുടെ ചുമതലയിൽ തുടരണമെന്നു ​ഗവർണറുടെ ഉത്തരവിലുണ്ട്. 2022 ഒക്ടോബർ 24നാണ് അദ്ദേഹം കേരള സർവകലാശാല വിസിയുടെ ചുമതല ഏറ്റെടുത്തത്. ആരോ​ഗ്യ സർവകലാശാലയിൽ പുതിയ വിസിയെ കണ്ടെത്തുന്നതിനു സെർച്ച് കമ്മിറ്റി രൂപീകരിച്ചു പുറപ്പെടുവിച്ച വിജ്ഞാപനം രജ്ഭവൻ പിൻവലിച്ചു.

തെരഞ്ഞെടുപ്പുവരെ അന്വേഷണ ഉദ്യോഗസ്ഥന് മുന്നില്‍ ഹാജരാകേണ്ട; രാഹുല്‍ മാങ്കൂട്ടത്തിലിന് ജാമ്യവ്യവസ്ഥയില്‍ ഇളവ്

5 വർഷമോ, 70 വയസ് പൂർത്തിയാകുന്നതു വരെയോ മോഹനന് വിസിയായി തുടരാൻ സാധിക്കും. സംസ്ഥാനത്ത് പുനർ നിയമനം ലഭിക്കുന്ന രണ്ടാമത്തെ വിസിയായി മോഹനൻ മാറി. നേരത്തെ കണ്ണൂർ സർവകലാശാല വൈസ് ചാൻസലറായിരുന്ന ഡോ. ​ഗോപിനാഥ് രവീന്ദ്രനാണ് പുനർ നിയമനം ലഭിച്ച ആദ്യ വിസി.