കോഴിക്കൂട്ടിൽ കൂറ്റൻ രാജവെമ്പാല, പൊത്തിലൊളിച്ചു; പിടികൂടിയത് ഏറെ പരിശ്രമത്തിനു ശേഷം

കൊച്ചി; വീടിനോട് ചേർന്നുള്ള കോഴിക്കൂട്ടിൽ നിന്ന് കൂറ്റൻ രാജവെമ്പാലയെ പിടികൂടി. കോതമംഗലം കുട്ടമ്പുഴ പഞ്ചായത്തിലെ കുറ്റിയാംചാലിലെ വീട്ടിലെ കോഴിക്കൂട്ടിലാണ് രാജവെമ്പാലയെ കണ്ടെത്തിയത്. തുടർന്ന് ഫോർസ്റ്റ് സംഘം എത്തി ഏറെ നേരത്തെ പരിശ്രമത്തിനൊടുവിൽ പാമ്പിനെ പിടികൂടി. 

കോഴിക്കൂടിന് സമീപമാണ് വൈകിട്ടോടെ കൂറ്റൻ രാജവെമ്പാലയെത്തിയത്. കോഴിയെ കൂട്ടിലാക്കാൻ പോയ വീട്ടുടമയാണ് പാമ്പിനെ കണ്ടത്. തുടർന്ന് ഫോറസ്റ്റ് ഉദ്യോഗസ്ഥരെ വിവരമറിക്കുകയായിരുന്നു. പൊത്തിലൊളിച്ച പാമ്പിനെ കല്ലുകൾ നീക്കം ചെയ്ത് ഏറെ നേരത്തെ പരിശ്രമത്തിനൊടുവിലാണ് പിടികൂടുകയായിരുന്നു.