സമീപത്തെ വീട്ടിൽ ഒളിച്ചിരുന്ന് പെൺകുട്ടി; കാണാതായതോടെ പരിഭ്രാന്തരായി നാട്ടുകാർ, പുഴയിൽ തെരച്ചിൽ 

കുറ്റ്യാടി: ചങ്ങരോത്ത് പുഴയ്ക്ക് സമീപത്തുള്ള വീട്ടിൽ നിന്ന് പെൺകുട്ടിയെ കാണാതായത് പരിഭ്രാന്തി പരത്തി. കുറ്റ്യാടി പുഴയ്ക്ക് സമീപത്തുള്ള വീട്ടിൽ നിന്നാണ് ബുധനാഴ്ച രാവിലെ പെൺകുട്ടിയെ കാണാതായത്. 

സമൂഹമാധ്യമങ്ങളിലൂടെ കുട്ടിയുടെ ഫോട്ടോ പങ്കുവെച്ചും അന്വേഷണം നടന്നു. എന്നാൽ ബുധനാഴ്ച വൈകീട്ടായിട്ടും കുട്ടിയെ കുറിച്ച് വിവരം ലഭിക്കാതെ വന്നതോടെ ഇവർ പൊലീസിൽ വിവരം അറിയിച്ചു. 

തുടർന്ന് പുഴയിൽ മുങ്ങിപ്പോയിട്ടുണ്ടാവാം എന്ന നി​ഗമനത്തെ തുടർന്ന് തിരച്ചിലിനായി നാദാപുരത്ത് നിന്ന് ഫയർഫോഴ്ച് എത്തി. പുഴയിലെ അടിയൊഴുക്ക് ശക്തമായതിനാൽ തിരച്ചിൽ നടത്താൻ ജനകിയ ദുരന്ത നിവാരണ സേനയുടെ രക്ഷാബോട്ടും ഏർപ്പാടാക്കിയിരുന്നു. എന്നാൽ 
തെരച്ചിൽ ആരംഭിക്കുന്നതിന് തൊട്ടുമുൻപ് സമീപത്തെ വീട്ടിലെ മുറിയിൽ കയറി ഒളിച്ചിരിക്കുന്ന നിലയിൽ പെൺകുട്ടിയെ കണ്ടെത്തി.