കൊച്ചി: എറണാകുളത്ത് ഗുരുതരാവസ്ഥയിലുള്ള രോഗിയുമായി പോകുകയായിരുന്ന ആംബുലന്‍സ് ഗുഡ്‌സ് ഓട്ടോയുമായി കൂട്ടിയിടിച്ചു. ആംബുലന്‍സ് വരുന്നതു പരിഗണിക്കാതെ യുടേണ്‍ എടുത്ത് റോഡ് മുറിച്ചു കടന്ന വാഹനമാണ് അപകടമുണ്ടാക്കിയത്.
സഹോദരന്‍ അയ്യപ്പന്‍ റോഡില്‍ ജനത ജംക്ഷനു സമീപം ഇന്നു രാവിലെയാണ് അപകടം. പനമ്പള്ളിയില്‍നിന്നു ശ്വാസ തടസം ഗുരുതരമായ രോഗിയുമായി പോകുകയായിരുന്ന ആംബുലന്‍സാണ് അപകടത്തില്‍ പെട്ടത്. ആംബുലന്‍സ് മുന്‍ഭാഗം തകര്‍ന്നെങ്കിലും മറിയാതിരുന്നതിനാല്‍ വലിയ ദുരന്തം ഒഴിവായി.
കണ്‍ട്രോള്‍ റൂമില്‍ നിന്നുള്ള പട്രോളിങ് പൊലീസ് സ്ഥലത്തെത്തിയാണ് രോഗിയെയും ബന്ധുക്കളെയും മറ്റൊരു ആംബുലന്‍സില്‍ കയറ്റിവിട്ടത്. രോഗിയുമായി പോകുകയായിരുന്ന ആംബുലന്‍സിനു മാര്‍ഗ തടസമുണ്ടാക്കുകയും അപകടമുണ്ടാക്കുകയും ചെയ്ത ഗുഡ്‌സ് ഡ്രൈവര്‍ക്കെതിരെ കേസെടുത്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
