എന്റെ കുഞ്ഞിന്റെ കൈപിടിച്ച്, ‘ഈ കൈ ഞാൻ വിടില്ല’ എന്നാണ് മുഖ്യമന്ത്രി പറഞ്ഞത്; ഹർഷിന

എനിക്കും എന്റെ കുടുംബത്തിനും വളരെ അധികം സന്തോഷവും സമാധാനവും നൽകുന്ന തീരുമാനമാണ് പുതിയ സർക്കാർ എടുത്തത്. ഞാൻ തിങ്കളാഴ്ച മുഖ്യമന്ത്രിയെ കാണാൻ പോയിരുന്നു. എന്നെ കണ്ട ഉടൻ തന്നെ എന്റെ വിഷയത്തിൽ എല്ലാം തീരുമാനിച്ചുകഴിഞ്ഞുവെന്നും നേരെ പോയി ആരോഗ്യമന്ത്രിയെ കണ്ടാൽ മതിയെന്നും പറഞ്ഞു. ആരോഗ്യമന്ത്രിയുടെ ഓഫീസിൽ എത്തിയപ്പോഴാണ് എനിക്ക് ജോലി ലഭിച്ചതായി അറിയുന്നത്.

എനിക്ക് ഏറ്റവും സൗകര്യമുള്ള, അടുത്തുള്ള ആശുപത്രിയിൽ ജോലി നൽകുമെന്നാണ് ആരോഗ്യമന്ത്രി പറഞ്ഞത്. അങ്ങനെയാണ് കോഴിക്കോട് മെഡിക്കൽ കോളജിൽ തന്നെ ജോലിയിൽ പ്രവേശിക്കാൻ തീരുമാനിച്ചത്. എല്ലാം വളരെ പെട്ടെന്ന് നടന്നതുപോലെയാണ് തോന്നുന്നത്. സന്തോഷത്തിനൊപ്പം എനിക്കും എന്റെ കുടുംബത്തിനും വലിയ സമാധാനവും ലഭിച്ചിട്ടുണ്ട്.

അതെ. പെൻഷൻ പ്രായം വരെ സ്ഥിര ജോലി എന്ന ഉറപ്പാണ് എനിക്ക് ലഭിച്ചത്. പെൻഷനെക്കുറിച്ചോ മറ്റ് ആനുകൂല്യങ്ങളെക്കുറിച്ചോ ഇപ്പോൾ വ്യക്തമായ അറിവില്ല. ഇന്ന് ജോലിയിൽ പ്രവേശിച്ചതേയുള്ളൂ. പിന്നീട് അതിനെക്കുറിച്ച് അന്വേഷിക്കും.

കൃത്യമായ നഷ്ടപരിഹാര തുക എന്റെ ബാങ്ക് അക്കൗണ്ടിൽ എത്തുമെന്നാണ് സതീശൻ സാർ നൽകിയ ഉറപ്പ്. ജീവനക്കാർക്കെതിരെയുള്ള നടപടിയെക്കുറിച്ച് സംസാരിച്ചിരുന്നില്ല. നിലവിൽ ഈ വിഷയവുമായി ബന്ധപ്പെട്ട കേസുകൾ കോടതിയിലാണല്ലോ. അതുമായി മുന്നോട്ട് പോകും. കേസുകൾ ഒന്നും പിൻവലിക്കില്ല.

ഒരിക്കലും അല്ല. അതിൽ രാഷ്ട്രീയം ഇല്ല. എന്നെ ചേർത്തുനിർത്തും എന്ന് ഉറപ്പു തന്ന എൽ ഡി എഫ് സർക്കാർ തന്നെയാണ് എന്നെ തള്ളിപ്പറഞ്ഞത്. എനിക്കെതിരെ നടന്ന അനീതിക്കുള്ള മറുപടിയായിട്ടാണ് ഞാൻ യുഡിഎഫ് സ്ഥാനാർഥികൾക്ക് വേണ്ടി പ്രചാരണത്തിന് പോയത്. എൽഡിഎഫ് സർക്കാരിന്റെ കാലത്ത് അവർ ചെയ്ത തെറ്റുകളുടെ ഫലമാണ് അവർക്ക് ജനങ്ങൾ നൽകിയതെന്ന് ഞാൻ കരുതുന്നു.

സത്യത്തിൽ പ്രചാരണത്തിന് പോകുമ്പോൾ കോൺഗ്രസ് നേതാക്കൾ കാണിച്ച സ്നേഹത്തിലും പരിഗണനയിലും ഞങ്ങൾക്ക് പൂർണ വിശ്വാസമുണ്ടായിരുന്നില്ല. തിരഞ്ഞെടുപ്പ് കഴിഞ്ഞ് ഇവർ ജയിച്ചുകഴിഞ്ഞാൽ ഇതെല്ലാം മറക്കുമോ എന്ന വലിയ ആശങ്കയുണ്ടായിരുന്നു. എന്നാൽ പ്രചാരണ കാലയളവിൽ ലഭിച്ചതിനേക്കാൾ ഇരട്ടിയോളം സ്നേഹവും പരിഗണനയുമാണ് ഇപ്പോൾ എനിക്കും എന്റെ കുടുംബത്തിനും ലഭിക്കുന്നത്.

ഇന്നലെ മുഖ്യമന്ത്രിയെ കണ്ടപ്പോൾ എന്റെ കുഞ്ഞിന്റെ കൈപിടിച്ച്, ‘ഈ കൈ ഞാൻ വിടില്ല’ എന്നാണ് അദ്ദേഹം പറഞ്ഞത്. തുടർചികിത്സയുടെ കാര്യം ഞാൻ ഏറ്റെടുത്തതല്ലേ, ഞാൻ കൂടെയുണ്ടാകും എന്നും പറഞ്ഞു. നഷ്ടപരിഹാരത്തിൽ നിന്ന് ഒരു രൂപ പോലും തുടർചികിത്സയ്ക്കായി ചെലവഴിക്കേണ്ടതില്ലെന്നും അദ്ദേഹം ഉറപ്പ് നൽകി.

തീർച്ചയായും വലിയ പ്രതീക്ഷയാണ് ഞങ്ങൾക്കുള്ളത്. ഞങ്ങൾ മുഖ്യമന്ത്രിയെ കാണാൻ പോയപ്പോൾ അവിടെ മറ്റും ആളുകൾ ഉണ്ടായിരുന്നു. അവരോടൊക്കെ അദ്ദേഹം പെരുമാറുന്ന രീതി കണ്ടാൽ തന്നെ മനസ്സിലാകും അദ്ദേഹത്തിന്റെ നല്ല മനസ്. യുഡിഎഫ് സർക്കാരിന് നല്ലൊരു ഭരണം കാഴ്ചവയ്ക്കാൻ കഴിയുമെന്നാണ് ഞങ്ങൾ വിശ്വസിക്കുന്നത്.