കൊച്ചി: കഴിഞ്ഞ മൂന്ന് ദിവസം പത്തനംതിട്ടയില് പെയ്തത് അഞ്ചിരട്ടി മഴ. സാധാരണയെക്കാള് 533 ശതമാനം അധികം മഴയാണ് ലഭിച്ചതെന്ന് കേന്ദ്രകാലാവസ്ഥ വകുപ്പ് അറിയിച്ചു. വരും മണിക്കൂറുകളിലും ശക്തമായ മഴ തുടരുമെന്നാണ് മുന്നറിയിപ്പ്.
പത്തനംതിട്ട ജില്ലയില് ഈ സമയങ്ങളില് സാധാരണ 40 മില്ലി ലിറ്റര് മഴയാണ് പെയ്യേണ്ടിയിരുന്നത്. എന്നാല് 253 മില്ലി മീറ്റര് മഴയാണ് പെയതത്. മഴയില് 533 ശതമാനം മഴയുടെ വര്ധനവ് രേഖപ്പെടുത്തി. മറ്റ് ജില്ലകളിലും സാധാരണ ലഭിക്കേണ്ടതിനെക്കാള് കൂടുതല് മഴ പെയ്തുവെന്നാണ് കേന്ദ്ര കാലാവസ്ഥ വകുപ്പിന്റെ കണക്കുകള് വ്യക്തമാക്കുന്നത്. അലപ്പുഴയില് സാധാരണ നിലയില് ലഭിക്കേണ്ടത് 41 ശതമാനം മഴയായിരുന്നെങ്കില് ലഭിച്ചത് 126.3 ശതമാനമാണ്. കണ്ണൂരില് 74 ശതമാനം വേണ്ടിടത്ത് പെയ്തത് 227 ശതമാനമാണ്. എറണാകുളത്ത് 52.6 ശതമാനം ലഭിക്കേണ്ട സമയത്ത് പെയ്തത് 169 ശതമാനം മഴയാണ്.
കാസര്കോട് 52 ശതമാനമാണ് മഴയില് വര്ധനവ് രേഖപ്പെടുത്തിയത്. കൊല്ലം, കോട്ടയം, കോഴിക്കോട് ജില്ലകളില് മഴ പെയ്ത്തില് 300 ശതമാനത്തിലധികം വര്ധന രേഖപ്പെടുത്തി. കൊല്ലത്ത് ഈ സമയങ്ങളില് ലഭിക്കേണ്ടിയിരുന്നത് 30.9 ആയിരുന്നെങ്കില് ലഭിച്ചത് 275.4, കോട്ടയത്ത് 44.6 ലഭിക്കേണ്ടിടത്ത് ലഭിച്ചത് 199.2, കോഴിക്കോട് 60.4 ആയിരുന്നെങ്കില് പെയ്തത് 257.4 ശതമാനം ആണ്. തിരുവനന്തപുരം ജില്ലയില് 21. 5 മഴ ലഭിക്കേണ്ടിടത്ത് 119.7 ശതമാനം മഴ ലഭിച്ചു. വയനാട്ടില് 96 ശതമാനം മഴയുടെ വര്ധനവ് ആണ് ഉണ്ടായത്. തൃശൂരില് ഈ ദിവസങ്ങളില് 213 ശതമാനം അധിക മഴ രേഖപ്പെടുത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
