ഹേമ കമ്മിറ്റി റിപ്പോര്ട്ട് പുറത്തുവിടൽ: സംസ്ഥാന സര്ക്കാര് തീരുമാനം ഇന്നുണ്ടായേക്കും
തിരുവനന്തപുരം: ജസ്റ്റിസ് ഹേമ കമ്മിറ്റി റിപ്പോര്ട്ട് പുറത്തുവിടാമെന്ന് ഹൈക്കോടതി ഉത്തരവിന് പിന്നാലെ റിപ്പോര്ട്ട് പുറത്തുവിടുന്ന തീയതി സംബന്ധിച്ച സംസ്ഥാന സര്ക്കാര് തീരുമാനം ഇന്നുണ്ടായേക്കും. റിപ്പോര്ട്ട് പുറത്തുവിടാന് കോടതി ഒരാഴ്ച സമയം നല്കിയിട്ടുണ്ട്.
മൊഴിനല്കിയവരുടെ സ്വകാര്യത ഹനിക്കപ്പെടുമെന്ന് കണ്ടെത്തിയ 62 പേജുകള് ഒഴിവാക്കി 233 പേജുള്ള റിപ്പോര്ട്ടാണ് പുറത്തു വിടുന്നത്. ഇന്നലെ റിപ്പോര്ട്ടിന്റെ ഉള്ളടക്കം പുറത്തു വിടരുന്നതു തടയണമെന്ന നിര്മാതാവ് സജിമോന് പാറയില് നല്കിയ ഹര്ജി ഹൈക്കോടതി തള്ളിയിരുന്നു. റിപ്പോര്ട്ട് പുറത്തുവിടണമെന്ന, സംസ്ഥാന വിവരാകാശ കമ്മിഷന് ഉത്തരവിന് എതിരെയാണ് സജിമോന് ഹര്ജി നല്കിയത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
വ്യക്തിപരമായ പരാമര്ശങ്ങള് ഒഴിവാക്കി റിപ്പോര്ട്ട് പ്രസിദ്ധീകരിക്കാമെന്ന നിലപാടാണ് സാംസ്കാരിക വകുപ്പും വിവരാവകാശ കമ്മീഷനും കോടതിയില് സ്വീകരിച്ചത്. വിമന് ഇന് കലക്ടീവും വനിതാ കമ്മീഷനും ഹര്ജിയില് കക്ഷി ചേര്ന്നിരുന്നു.
റിപ്പോര്ട്ടിന്റെ ഉള്ളടക്കം പുറത്തുവിടരുതെന്ന ഹര്ജി നിലനില്ക്കില്ലെന്ന് കോടതി വ്യക്തമാക്കി. റിപ്പോര്ട്ട് എങ്ങനെയാണ് ഹര്ജിക്കാരനെ ബാധിക്കുകയെന്ന് വ്യക്തമല്ല. വ്യക്തികളുടെ സ്വകാര്യത സംരക്ഷിക്കാനുള്ള നിര്ദേശം റിപ്പോര്ട്ടില് തന്നെയുണ്ടെന്ന് കോടതി ചൂണ്ടിക്കാട്ടി. കൊച്ചിയില് നടി ആക്രമിക്കപ്പെട്ടതിനു പിന്നാലെയാണ്, സിനിമാ മേഖലയിലെ സ്ത്രീകളുടെ പ്രശ്നങ്ങള് പഠിക്കാന് ജസ്റ്റിസ് ഹേമയുടെ നേതൃത്വത്തില് സമിതി രൂപീകരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
