കാസര്‍കോട് സിപിഎം-ബിജെപി സംഘര്‍ഷം, യുവമോര്‍ച്ച നേതാവിന് വെട്ടേറ്റു; കായംകുളത്ത് ഒരു കോണ്‍ഗ്രസ് പ്രവര്‍ത്തകന്‍ കൂടി വെട്ടേറ്റ് ചികിത്സയില്‍

കാ​സ​ർ​ഗോ​ഡ്: നി​യ​മ​സ​ഭാ തെ​ര​ഞ്ഞെ​ടു​പ്പി​ൻറെ വോ​ട്ടെ​ടു​പ്പ് അവസാനിച്ചതിന് പി​ന്നാ​ലെ രാ​ഷ്ട്രീ​യ സം​ഘ​ർ​ഷ​ങ്ങ​ൾ സം​സ്ഥാ​ന വ്യാ​പ​ക​മാ​യി തു​ട​രു​ന്നു.  കാ​സ​ർ​ഗോ​ഡ് പ​റ​ക്ക​ളാ​യി​യി​ൽ യുവമോർച്ച കാസർകോട് ജില്ലാ വൈസ് പ്രസിഡന്റ് ശ്രീജിത്ത് പറക്കായിക്ക് വെട്ടേറ്റു.

സി​പി​എം-​ബി​ജെ​പി പ്ര​വ​ർ​ത്ത​ക​ർ തമ്മിലുണ്ടായ ഏറ്റുമുട്ടലിലാണ് വെട്ടേറ്റത്.  ബു​ധ​നാ​ഴ്ച രാ​ത്രി​യോടെയാണ് സം​ഘ​ർ​ഷ​മു​ണ്ടാ​യ​ത്. ഗു​രു​ത​ര പ​രി​ക്കു​ക​ളോ​ടെ ശ്രീ​ജി​ത്തി​നെ മം​ഗ​ളൂ​രു​വി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സം​ഘ​ർ​ഷ​ത്തി​ൽ സി​പി​എം പ്ര​വ​ർ​ത്ത​ക ഓ​മ​ന​യ്ക്കും പ​രി​ക്കു​ണ്ട്. ഇ​വ​ർ പ​രി​യാ​രം മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

കണ്ണൂർ കൂത്തുപറമ്പിൽ മുസ്ലീം ലീ​ഗ് പ്രവർത്തകൻ ചൊവ്വാഴ്ച അർധ രാത്രിയോടെ വെട്ടേറ്റ് മരിച്ചിരുന്നു. സിപിഎം ആണ് ആക്രമണത്തിന് പിന്നിലെന്ന് ലീ​ഗ് ആരോപിച്ചു.  ചൊവ്വാഴ്ച കായംകുളത്തും ഹരിപ്പാടും സിപിഎം കോൺ​ഗ്രസ് സംഘർഷമുണ്ടായിരുന്നു.  എരുവ സ്വദേശിയായ അഫ്‌സൽ, നൗഫൽ എന്നിവർക്ക് ചൊവ്വാഴ്ച രാത്രിയോടെയുണ്ടായ സംഘർഷത്തിൽ വെട്ടേറ്റിരുന്നു. പിന്നാലെ കായംകുളത്ത് ഒരു കോൺഗ്രസ് പ്രവർത്തകന് കൂടി വെട്ടേറ്റു. കായംകുളം പുതുപ്പള്ളി സോമൻ(44) ആണ് വെട്ടേറ്റ് ചികിത്സയിൽ കഴിയുന്നത്.