കീം: എൻജിനിയറിങ്‌ , ഫാർമസി പ്രവേശന പരീക്ഷ മാറ്റിവച്ചു 

തിരുവനന്തപുരം: ജൂൺ 12ന്‌ നടത്താൻ നിശ്‌ചയിച്ചിരുന്ന 2022–23 വർഷത്തെ സംസ്ഥാന എൻജിനിയറിങ്‌/ ഫാർമസി കോഴ്‌സുകളിലേക്കുള്ള പ്രവേശന പരീക്ഷ ( കീം) മാറ്റിവച്ചു. അനുയോജ്യമായ തീയതി ഉടൻ പ്രസിദ്ധീകരിക്കുമെന്നും പ്രവേശന പരീക്ഷാ കമീഷണറുടെ ഓഫീസ്‌ അറിയിച്ചു.

സിബിഎസ്‌ഇ 12-ാം ക്ലാസ്‌ പരീക്ഷ തീയതിയുമായി ചേർന്ന് വരുന്നതിനാലാണ് മാറ്റിവച്ചത്. ക്ലാറ്റ്‌ അടക്കം ദേശീയ തലത്തിലെ ചില പരീക്ഷകൾ ഇതിനോടടുത്ത ദിവസങ്ങളിൽ നടക്കുന്നുണ്ട്. ഈ പശ്‌ചാത്തലത്തിലാണ്‌ കീം പ്രവേശന പരീക്ഷ മാറ്റാൻ തീരുമാനിച്ചത്‌.